| e-texts navigator |
| Wylie |
129a1 རྟོགས།། གྲོལ་དང་མ་གྲོལ་གཉིས་མེད་མཉམ།། མཉམ་ཉིད་ཅིར་ཡང་འཆར་བས་ཆེ།། དཔེར་ན་འདབ་ཆགས་ཁྱུང་ཆེན་དེ།། མངལ་ན་གནས་པའི་དུས་ཚེ་ནའང་།། ཀླུ་རྣམས་ཐམས་ཅད་ཟིལ་གྱིས
129a2 གནོན།། འདབ་གཤོག་སྒོ་ངར་ཚད་ཕྱིན་པས།། སྒོང་རྒྱ་རང་གིས་ཧྲལ་བ་དང་།། སྤྱི་རྒྱ་རླབས་ཀྱིས་གཅོད་པ་མཉམ།། འདབ་ཆགས་གཞན་ལ་མི་རིགས་ཏེ།། ཁྱུང་ཆེན་རང་ལ་རིགས་པའི་ཕྱིར།། བར་སྣང་ཁམས
129a3 ཀུན་ལམ་དུ་བདེ།། རྟོགས་དང་མ་རྟོགས་མེད་པར་གྲོལ།། འདི་དང་ཕྱི་མ་མེད་པ་དང་།། གྲོལ་དང་མ་གྲོལ་མཉམ་པའོ།། མཉམ་ཉིད་རྒྱུན་ཆད་མེད་པ་དེ།། ཐེག་དགུ་རིམ་གྱིས་བགྲོད་ནས་སུ།། བརྒྱུད་ནས་གྲོལ
129a4 བར་འདོད་པ་དང་།། ཤིན་ཏུ་སྦྱངས་དང་སྤངས་པ་དང་།། བསྒྱུར་ནས་སངས་རྒྱས་འདོད་པ་ལ།། གང་ལ་རིགས་དང་མི་རིགས་ཀྱང་།། རྫོགས་ཆེན་རང་ལ་རིགས་ཏེ་བདེ།། ཅི་སྟེ་ཐམས་ཅད་མ་ལུས་ཀྱང་།། བདེ
129a5 ཆེན་ཆོས་སྐུ་ཉིད་ཀྱི་ཀློང་།། རང་བཞིན་ཆོས་སྐུ་ཀློང་ཆེན་དུ།། མ་གྲོལ་བ་ནི་འགའ་ཡང་མེད།། ཆོས་ཉིད་དབྱིངས་ལས་རང་བཞེངས་པས།། རྡོ་རྗེའི་སྙིང་པོ་ཉིད་ཀྱི་སྒྲ།། བག་ཆགས་བརྟས་པའི་བདག་ལུས
129a6 ལ།། སྙིང་པོ་ཉིད་ཀྱི་རྩལ་རྫོགས་ཏེ།། སྐྱེ་ཤིའི་འཕྲང་ལས་བརྒལ་བའི་ཕྱིར།། བར་དོ་མེད་པར་ལུས་བོར་ནས།། རིག་པ་གཅིག་པུ་རྟེན་མེད་དེ།། འཁོར་འདས་ཀུན་དང་དབྱེར་མེད་ཅིང་།། རྒྱ་ཆད་ཕྱོགས་ལྷུང་མེད
iiif viewer powered by OpenSeadragon
