| e-texts navigator |
| Wylie |
128b1 མེད།། དངོས་བྲལ་དངོས་མེད་དབྱིངས་ཀྱི་ཀློང་།། ཆོས་ཉིད་ཀློང་ལས་གཞན་མེད་པས།། ཕྱོགས་མེད་ཤར་ཡང་བདག་ཉིད་རང་།། ལམ་དང་འབྲས་བུའི་ཆོས་རྣམས་ཀྱང་།། མ་བཙལ་རང་ལས་བྱུང་བས་ན།། ཡིད
128b2 བཞིན་ནོར་བུ་རིན་པོ་ཆེ།། སྐྱེ་འཇིག་མེད་པ་ཆོས་ཀྱི་སྐུ།། ཡོན་ཏན་ཕྱོགས་མེད་འབྱུང་བའི་གཞི།། ཅིར་ཡང་མ་ངེས་སྤྲུལ་པའི་སྐུ།། གདུལ་བྱའི་དོན་ལ་འགག་པ་མེད།། མཉམ་ཉིད་དང་གནས་ལོངས་སྤྱོད
128b3 རྫོགས།། ཐེག་ཆེན་ས་ལ་སྣང་བ་ཡང་།། ཅིར་ཡང་མི་སྣང་དབྱིངས་ལས་འབྱུང་།། བདག་ཉིད་ཆེན་པོའི་རྒྱུན་དུ་ཤར།། རྒྱལ་བ་ཀུན་གྱིས་དགོངས་པ་ཡང་།། སྐུ་གསུམ་ཀློང་ལས་མ་གཡོས་པས།། གསང་བའི་དོན
128b4 ཉིད་རང་ལས་འབྱུང་།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། མཚན་ཉིད་གཅིག་པར་བསྟན་པའི་ལེའུ་སྟེ་བཞི་བཅུ་རྩ་ལྔ་པའོ།། །། དེ་ནས་ཡང་སྟོན་པས་ཉིད་ལས་མི་གཞན་པའི
128b5 འཁོར་རྣམས་ལ་བཀའ་སྩལ་པ།། ཐེག་པའི་ཡང་རྩེར་གྱུར་པས་ན།། ཨ་ཏི་ཡོ་ག་རྫོགས་པ་ཆེ།། རི་རྒྱལ་ལྟ་བུར་དཔངས་མཐོ་བས།། ཐེག་པ་ཀུན་གྱི་རྩེ་མོ་ཡིན།། ཆེ་བའི་ཆེན་པོར་རང་བཞིན་གནས།། ཀུན་ཏུ་བཟང
128b6 པོ་ཡངས་པའི་ཐུགས།། རང་གི་སྟོབས་གྱིས་གནས་པའི་ཕྱིར།། ཐེག་ཕྲན་ཐམས་ཅད་ཟིལ་གྱིས་གནོན།། དེ་ལྟར་རིག་པ་རང་གི་སྟོབས།། མཉམ་པའི་ཀློང་ལས་གོ་བཟློག་སྟེ།། ཀློང་ཆེན་གཅིག་ལ་རྟོགས་མ
iiif viewer powered by OpenSeadragon
