| e-texts navigator |
| Wylie |
127a1 གནོད་གཉིས་སུ་རྟོག་ལས་འདས།། དགེ་སྡིག་གཉིས་སུ་མ་ཞེན་པས།། བླང་དོར་གཉིས་སུ་རྟོག་ལས་འདས།། རྟོག་མེད་ཕྱོགས་བྲལ་ཀུན་གྱི་གཞི།། གཞི་ལ་གཞི་ཡི་མཐར་མི་གནས།། མི་གནས་རང
127a2 ཤར་ཀུན་གྱི་དངོས།། རང་གི་ངོ་བོ་མཐར་མི་གནས།། གཉིས་མེད་སྐྱེ་འགག་བྲལ་བའི་ཕྱིར།། དོན་ལ་དོན་གྱི་མཐར་མི་གནས།། སྐྱེ་མེད་རིག་པ་ཡུལ་མེད་ལ།། སྔ་ཕྱི་ཐོག་མཐའ་མེད་པའི་ཕྱིར།། བདག་ཉིད་མི
127a3 གནས་ཐོག་མཐའ་བྲལ།། བྲལ་བའི་མཐའ་ལའང་མི་གནས་པས།། རྒྱུ་རྐྱེན་འབྲས་བུའི་ཆོས་ལས་འདས།། ཆོས་ལས་འདས་པའི་ཆོས་ཉིད་དེ།། རྒྱུ་རྐྱེན་མེད་པའི་ཀློང་དུ་ཤར།། མ་བཅོས་བདེ་ཆེན་ཆོས་ཀྱི
127a4 སྐུ།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། ཀུན་རྫོགས་མཐའ་མེད་ཀྱི་ལེའུ་སྟེ་བཞི་བཅུ་རྩ་བཞི་པའོ།། །། དེ་ནས་ཡང་བཅོམ་ལྡན་འདས་ཀྱིས་འཁོར་རྣམས་ལ་བཀའ་སྩལ
127a5 པ།། དོན་གྱི་དབྱིངས་ལས་མ་གཡོས་པར།། རང་བཞིན་རྣམ་དག་རྫོགས་སངས་རྒྱས།། ལྷུན་གྱིས་གྲུབ་པས་གོ་འཕང་གཅོད།། ངེས་པ་མེད་པར་གཏན་ལ་འབེབས།། རང་བཞིན་རྣམ་པར་དག་པ་ལ།། གང་ཡང་མ
127a6 སྤངས་ལྷུན་གྱིས་གྲུབ།། ཅིར་ཡང་མ་འགགས་ངེས་པ་མེད།། གང་ལ་མི་གནས་རྣམ་པར་དག། རྣམ་དག་གཅིག་གིས་ཀུན་བྱས་པས།། ཆོས་ཀུན་རྣམ་པར་དག་པའི་དབྱིངས།། རང་བཞིན་ལྷུན་གྱིས་གྲུབ་པ
iiif viewer powered by OpenSeadragon
