| e-texts navigator |
| Wylie |
126b1 གཅིག་གི་ཀློང་།། མཉམ་ཤར་མཉམ་གྲོལ་བཟང་ངན་མེད།། སེམས་ཉིད་ཀུན་གྱི་གཞིར་གྱུར་པས།། འབྱུང་བ་ཀུན་གྱི་རང་བཞིན་སེམས།། སེམས་དང་ནམ་མཁའ་དབྱེར་མེད་པས།། དཔེ་རུ་བཏགས་ཀྱང་དོན་དུ
126b2 གཅིག། རྫོགས་སོ་རྫོགས་སོ་མཁའ་ལ་རྫོགས།། འབྱུང་ལྔ་ནམ་མཁའི་ངང་དུ་རྫོགས།། རྫོགས་སོ་རྫོགས་སོ་དབྱིངས་ལ་རྫོགས།། ཆོས་རྣམས་སེམས་ཀྱི་དབྱིངས་ལ་རྫོགས།། གསལ་ལོ་གསལ་ལོ་མཁའ་ལ
126b3 གསལ།། དངོས་པོ་ནམ་མཁའི་ངང་ལ་གསལ།། གསལ་ལོ་གསལ་ལོ་དབྱིངས་ན་གསལ།། ཆོས་རྣམས་བྱང་ཆུབ་དབྱིངས་ན་གསལ།། གྲོལ་ལོ་གྲོལ་ལོ་དབྱིངས་སུ་གྲོལ།། མཚན་མ་ཆོས་ཀྱི་དབྱིངས་སུ་གྲོལ།། ཕྱི
126b4 ནང་སྣོད་བཅུད་ཆོས་རྣམས་ཀྱང་།། མ་བཅོས་སེམས་ཀྱི་ཀློང་དུ་གྲོལ།། མ་བྱས་རང་བྱུང་ཡེ་ཤེས་གསལ།། མི་འགྱུར་ཐིག་ལེའི་ཀློང་དུ་གྲོལ།། མ་བརྡལ་ཕྱི་ནང་ཡོངས་ལ་ཁྱབ།། ཕྱི་ནང་སྣོད་བཅུད་ཆོས་རྣམས
126b5 ཀྱང་།། མ་བསྡུས་དེ་བཞིན་ཉིད་ལ་འདུས།། མ་སྤྲོས་འཁོར་འདས་ཀུན་ཏུ་ཤར།། འཁོར་འདས་ཕྱི་ནང་ཆོས་རྣམས་ཀྱང་།། མ་སྐྱེས་གདོད་ནས་རྣམ་པར་དག། མ་འགགས་རིག་པ་རང་ལ་གསལ།། རང་གསལ་རིག
126b6 པ་ཕྱོགས་མེད་ལ།། འཁོར་འདས་གཉིས་སུ་མ་ཞེན་པས།། སངས་རྒྱས་སེམས་ཅན་རྟོག་ལས་འདས།། རྒྱུ་འབྲས་གཉིས་སུ་མ་ཞེན་པས།། སྔ་ཕྱི་གཉིས་སུ་རྟོག་ལས་འདས།། སྐྱོན་ཡོན་གཉིས་སུ་མ་ཞེན་པས།། ཕན
iiif viewer powered by OpenSeadragon
