| e-texts navigator |
| Wylie |
125a1 མེད།། མཉམ་པ་ཉིད་དུ་ཟག་ཆོད་པས།། ཀུན་ཀྱང་རང་བྱུང་ཡེ་ཤེས་ཉིད།། དུས་ལ་སྔ་ཕྱི་མ་མཆིས་པས།། ཨ་ཏི་དུས་གསུམ་ཚིག་ཆོད་ལ།། ཨ་ནུ་མན་ཆད་འོག་མ་ཡི།། བསྐལ་པའི་གྲངས་དང་མི
125a2 ཚེའི་གྲངས།། བརྒྱུད་ནས་འབྲས་བུ་འདོད་པ་དེ།། མ་སྤངས་གཅིག་ཏུ་འདུས་པའི་ཕྱིར།། དུས་གསུམ་ཐ་དད་མེད་པ་རུ།། རང་བཞིན་གཅིག་པས་ཀློང་དུ་གྲོལ།། དེ་ཡི་ངང་ལ་རྒྱུན་ཆད་མེད།། རྒྱུན་ཆད་མེད་པའི་རང
125a3 བཞིན་ལ།། འཁོར་འདས་མཉམ་པ་རིས་མེད་ལས།། གཞན་དུ་ལྟ་བ་མེད་པའི་ཕྱིར།། ཡེ་སངས་རྒྱས་པའི་ཆོས་ཉིད་ཡིན།། དེ་ལ་རང་རང་ལོངས་སྤྱོད་པས།། ཕྱོགས་མེད་གཏེར་ཆེན་འབྲས་བུ་ཡིན།། འཁོར་བའི
125a4 སྡུག་བསྔལ་སྣ་ཚོགས་ཀྱང་།། ཆོས་ཉིད་ཡོ་ལང་ཡིན་པའི་ཕྱིར།། བདེ་བ་ཆེན་པོའི་འབྲས་བུར་ཤར།། དེ་ལས་མ་གཏོགས་འབྲས་བུ་མེད།། ཡང་དག་ཅེས་སུ་བཏགས་པའི་དོན།། རྒྱལ་བའི་དཀྱིལ་འཁོར་ཞེས་བྱ།
125a5 བ།། མཉམ་ཉིད་ཀློང་ལས་གཞན་མེད་དེ།། སྤྱོད་ཡུལ་དབྱེར་མེད་དེ་ཉིད་རང་།། རྒྱལ་བའི་ཞིང་དུ་ཤར་བའི་ཕྱིར།། འབྲས་བུ་གཞན་ནས་མི་འཚོལ་ཏེ།། རེ་མེད་དོགས་མེད་རྣམ་པར་གྲོལ།། སེམས་ཉིད་རང་བྱུང་ཡེ
125a6 ཤེས་འདི།། རང་སྣང་ཕྱོགས་མེད་ཤར་བ་ལ།། རང་བཞིན་གཅིག་ཏུ་མ་རྟོགས་ན།། ལ་ལ་ཡིན་ལ་ལ་ལ་མིན།། བཟང་ངན་འབྱེད་པ་མཉམ་པའི་གཙུགས་ལྕགས་ཀྱང་།། སངས་རྒྱས་སེམས་ཀྱི་བཟང་རྟོག
iiif viewer powered by OpenSeadragon
