| e-texts navigator |
| Wylie |
124b1 འདྲ།། ཐམས་ཅད་ནས་ནི་ཐམས་ཅད་དུ།། སངས་རྒྱས་མེད་པའི་སངས་རྒྱས་ཏེ།། སེམས་ཉིད་ཀློང་ཆེན་ཡངས་པ་རུ།། འཁོར་འདས་མ་ལུས་ཆོས་རྣམས་ཀུན།། ཆེ་བ་ལྔ་རུ་མངོན་སངས་རྒྱས།། ཞེས་གསུངས
124b2 སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། སྐུ་ལྔ་ཆེ་བ་ལྔ་དང་ངོ་སྤྲད་པའི་ལེའུ་བཞི་བཅུ་རྩ་གསུམ་པའོ།། །། དེ་ནས་ཡང་ཉིད་ཀྱིས་འཁོར་རྣམས་ལ་བཀའ་སྩལ་པ། གསང་སྔགས་སྒོ་འདི་ཡངས་པ
124b3 རུ།། མ་རྫོགས་ཆོས་ནི་གང་ཡང་མེད།། འཁོར་བའི་ཆོས་དང་མྱ་ངན་འདས།། ཡེ་ནས་གཉིས་སུ་མེད་པར་རྫོགས།། རྒྱུ་ཡི་ཆོས་དང་འབྲས་བུའི་ཆོས།། ཡེ་ནས་དབྱེ་རུ་མེད་པར་རྫོགས།། བསྟན་པའི་ཆོས་དང་བསྒྲུབ
124b4 པའི་ཆོས།། ཡེ་ནས་བསྟན་དུ་མེད་པར་རྫོགས།། དོན་དམ་ཆོས་ལ་བསྒྲུབ་ཏུ་མེད།། ཡེ་ནས་བསྒྲུབ་ཏུ་མེད་པར་རྫོགས།། བདེ་དང་སྡུག་བསྔལ་ཡེ་མཐུན་རྫོགས།། འདུས་བྱས་ཆོས་དང་འདུས་མ་བྱས།། ཡེ་ནས
124b5 བཟང་ངན་མེད་པར་རྫོགས།། དཀར་པོའི་ཆོས་དང་ནག་པོའི་ཆོས།། ཡེ་ནས་བླང་དོར་མེད་པར་རྫོགས།། ཆོས་ཅན་དང་ནི་ཆོས་ཉིད་དང་།། ཀུན་རྫོབ་དང་ནི་དོན་དམ་ཆོས།། ཡེ་ནས་དགག་བསྒྲུབ་མེད་པར
124b6 རྫོགས།། ཉོན་མོངས་དང་ནི་ཡེ་ཤེས་དང་།། སྣང་སྲིད་སྐྱེ་འགུལ་ཡོད་པ་དང་།། མི་སྲིད་མེད་པའི་ཆོས་རྣམས་ཀུན།། རང་བྱུང་ཡེ་ཤེས་ཀློང་དཀྱིལ་དུ།། མ་རྫོགས་པ་ནི་མེད་པའི་ཕྱིར།། རྫོགས་ཆེན་ལྷུན་གྲུབ་བླ་ན
iiif viewer powered by OpenSeadragon
