| e-texts navigator |
| Wylie |
124a1 བས་དབྱིངས་སུ་གྲོལ།། ཀློང་ལས་འགྱུར་ས་མེད་པའི་ཕྱིར།། མཚན་མའི་ཆོས་ལ་ཡ་མིང་།། ཐམས་ཅད་ཐམས་ཅད་དབྱིངས་སུ་གྲོལ།། སེམས་ཅན་སངས་རྒྱས་དབྱིངས་སུ་གྲོལ།། རྒྱུན་ཆད་མེད་པ
124a2 སྤྲུལ་པའི་སྐུ།། སྣང་བ་སྟོང་པའི་དབྱིངས་སུ་གྲོལ།། རྒྱུན་ཆད་མེད་པ་ལོངས་སྤྱོད་རྫོགས།། སེམས་ཅན་ཆོས་ཉིད་དབྱིངས་སུ་གྲོལ།། རྒྱུན་ཆད་མེད་པ་ཆོས་ཀྱི་སྐུ།། སྡུག་བསྔལ་བདེ་ཆེན་དབྱིངས་སུ་གྲོལ།། རྒྱུན་ཆད
124a3 མེད་པ་རྡོ་རྗེའི་སྐུ།། ཉོན་མོངས་ཡེ་ཤེས་ཀློང་དུ་གྲོལ།། རྒྱུན་ཆད་མེད་པ་མངོན་པ་དུ།། བྱང་ཆུབ་པ་ཡི་སྐུ་རུ་བཤད།། དེ་ཡང་མཚན་ཉིད་ཇི་ལྟ་བུ།། སྤྲུལ་པའི་སྐུ་ལ་ངེས་པ་མེད།། ལོངས་སྐུ་བདེ་ཆེན་དངལ
124a4 གནས།། ཆོས་ཀྱི་སྐུ་ལ་མཚན་མ་མེད།། རྡོ་རྗེའི་སྐུ་ནི་འཇིག་འདྲ་ལ་བྲལ།། བྱང་ཆུབ་སེམས་སྐུ་སྐྱེ་ཤི་མེད།། དེ་ཡང་དོན་ལས་བཏགས་པ་ཡིན།། གཟུགས་རྣམས་མེད་པས་བྱང་ཆུབ་ཀློང་།། ཁ་དོག་དབྱིངས་ཀྱང
124a5 གཟུང་དུ་མེད།། མཚན་ཉིད་མེད་པས་ནམ་མཁའ་འདྲ།། ཆོས་ཀྱི་དབྱིངས་སུ་ཡེ་སངས་རྒྱས།། ཆོ་འཕྲུལ་འབྱུང་བས་ནམ་མཁའ་འདྲ།། བདག་ཉིད་ཆེན་པོར་ཡེ་སངས་རྒྱས།། གཉིས་སུ་མེད་པས་ནམ་མཁའ
124a6 འདྲ།། དེ་ཡིན་པ་རུ་ཡེ་སངས་རྒྱས།། གང་ལ་མི་གནས་ནམ་མཁའ་འདྲ།། མངོན་པ་རུ་ནི་ཡེ་སངས་རྒྱས།། གང་ལའང་ལྟོས་པ་མེད་པ་དང་།། ཅི་ལའང་ཕན་དང་གནོད་པ་མེད།། ཐམས་ཅད་མཉམ་པས་ནམ་མཁའ
iiif viewer powered by OpenSeadragon
