| e-texts navigator |
| Wylie |
123b1 འབེབས།། སངས་རྒྱས་པས་ཀྱང་སེམས་ཅན་གཙོ།། གཉིས་མེད་ཀློང་དུ་ཐག་ཆོད་པས།། རང་སར་གྲོལ་བས་ཡིད་ཀྱང་ཆེས།། སྟོང་པ་བས་ཀྱང་སྣང་བ་གཙོ།། སྣང་བ་ངེས་མེད་རང་ཤར་གྱིས།། སྟོང་པ་འཛིན་མེད
123b2 གཏན་ལ་འབེབས།། གཉིས་མེད་ཀློང་དུ་ཐག་ཆོད་པས།། རང་སར་གྲོལ་བར་ཡིད་ཀྱང་ཆེས།། བདེ་ཆེན་པས་ཀྱང་སྡུག་བསྔལ་གཙོ།། སྡུག་བསྔལ་ཞེན་ཆགས་མཚན་མ་ཡིས།། བདེ་ཆེན་ཆགས་མེད་གཏན་ལ
123b3 འབེབས།། གདམས་ངག་ཐོབ་པས་ཡིད་ཆེས་པས།། གཉིས་སུ་མེད་པར་ཟག་ཆོད་ནས།། རང་སར་གྲོལ་བར་ཡིད་ཀྱང་ཆེས།། ཆོས་ཉིད་པས་ཀྱང་ཆོས་ཅན་གཙོ།། ཆོས་ཅན་མཚན་མ་རང་རྒྱུད་པས།། ཆོས་ཉིད་སྐྱེ
123b4 མེད་གཏན་ལ་འབེབས།། ཆོས་ཅན་ཆོས་ཉིད་དབྱེར་མེད་དེ།། གཉིས་མེད་ཀློང་དུ་ཐག་ཆོད་པས།། རང་སར་གྲོལ་བར་ཡིད་ཀྱང་ཆེས།། ཡེ་ཤེས་པས་ཀྱང་ཉོན་མོངས་གཙོ།། ཉོན་མོངས་འཆིང་བའི་ཞགས་པ
123b5 ཡིས།། རང་བྱུང་ཡེ་ཤེས་གཏན་ལ་འབེབས།། ཉོན་མོངས་ཡེ་ཤེས་དབྱེར་མེད་དེ།། གཉིས་མེད་ཀློང་དུ་ཐག་ཆོད་པས།། རང་སར་གྲོལ་བར་ཡིད་ཀྱང་ཆེས།། དེ་ལ་སོགས་པའི་ཆོས་རྣམས་ཀུན།། དུས་རྣམས་ཀུན་ཏུ
123b6 དབྱེར་མེད་དེ།། གཉིས་མེད་ཀློང་དུ་ཟག་ཆོད་པས།། རང་སར་གྲོལ་བར་ཡིད་ཀྱང་ཆེས།། དེ་ལྟར་ཡིད་ཆེས་ཟག་ཆོད་པས།། རྟོགས་པའི་ཉམས་མྱོང་བློ་བདེའོ།། དབྱིངས་ལས་འགྲོ་ས་མེད་པའི་ཕྱིར།། ཕུང་པོ་བོར
iiif viewer powered by OpenSeadragon
