| e-texts navigator |
| Wylie |
123a1 མོངས་ཤར་བས་ཡེ་ཤེས་མཐོང་།། ཉོན་མོངས་ཡེ་ཤེས་གཉིས་མེད་ཅིང་།། མི་འགྱུར་ཆོས་ཉིད་སྣང་བར་ཤར།། དེ་ལ་སོགས་ཏེ་གཉིས་ཀྱི་བསྡུས།། ཐམས་ཅད་ཀུན་ཀྱང་མ་བཀག་སྟེ།། ཆོས་ཉིད་སྣང
123a2 བར་ཤར་བ་ཡིན།། སེམས་ཅན་ལུས་ཀྱི་གོ་ཕྱེ་བས།། སངས་རྒྱས་སྐུ་ཡི་མཐོངས་བརྟོལ་ཏེ།། སངས་རྒྱས་སེམས་ཅན་གཉིས་སུ་མེད།། སྣང་བ་དངོས་པོའི་གོ་ཕྱེ་བས།། སྟོང་པ་དབྱིངས་ཀྱི་མཐོངས་བརྟོལ་ཏེ།། སྣང
123a3 དང་སྟོང་པ་གཉིས་སུ་མེད།། སྡུག་བསྔལ་མཚན་མའི་གོ་ཕྱེ་བས།། བདེ་ཆེན་མཆོག་གི་མཐོངས་བརྟོལ་ཏེ།། བདེ་དང་སྡུག་བསྔལ་གཉིས་སུ་མེད།། ཆོས་ཅན་མཚན་མའི་གོ་ཕྱེ་བས།། ཆོས་ཉིད་ཕྱོགས་མེད་མཐོངས
123a4 བརྟོལ་ཏེ།། ཆོས་ཅན་ཆོས་ཉིད་གཉིས་སུ་མེད།། ཉོན་མོངས་མཚན་མའི་གོ་ཕྱེ་བས།། རང་བྱུང་ཡེ་ཤེས་མཐོངས་བརྟོལ་ཏེ།། ཉོན་མོངས་ཡེ་ཤེས་གཉིས་སུ་མེད།། དེ་ལ་སོགས་པའི་ཆོས་རྣམས་ཀུན།། གཉིས་སུ་མེད
123a5 ཅིང་མི་འགྱུར་བ།། ཉིད་ཀྱི་སྣང་བར་ཤར་བ་ཡིན།། ཆོས་ཉིད་གཉིས་སུ་མེད་པ་ཡིན།། དེ་ལ་སོགས་པའི་ཆོས་རྣམས་ཀུན།། དབྱེར་མེད་རང་སར་གྲོལ་བ་ཡིན།། རྒྱུ་འབྲས་གཉིས་པོ་མ་བཀག་ཀྱང་།། རྒྱུ་འབྲས
123a6 གཉིས་ལས་འདས་པ་ཡིན།། འཁོར་འདས་གཉིས་པོ་མ་བཀག་ཀྱང་།། འཁོར་འདས་གཉིས་ལས་གྲོལ་བ་ཡིན།། དེ་ཡང་ཇི་ལྟར་གྲོལ་ཞེ་ན།། སེམས་ཅན་དངོས་སུ་སྣང་བ་ཡིན།། དངོས་མེད་སངས་རྒྱས་གཏན་ལ
iiif viewer powered by OpenSeadragon
