| e-texts navigator |
| Wylie |
122b1 ཡིས།། སྔ་ཕྱི་ཐོག་མཐའ་མེད་པ་དང་།། སྐྱེ་ཤི་འཕོ་འགྱུར་མེད་པ་རུ།། གཏན་ལ་འབེབས་པ་ཡིན་པའི་ཕྱིར།། དམན་པའི་ཐེག་པ་ཀུན་ལས་རྒྱལ།། ཨ་ཏི་ཡེ་གྲོལ་གཏན་ཚིགས་ཡིན།། དེ་དོན་གཏན་ཚིགས་སྟོན་པ
122b2 ཡང་།། རྒྱལ་བའི་བཀའ་ལ་རག་ལས་པས།། བྱིན་གྱིས་བརླབས་ནས་བརྒྱུད་པ་ལ།། རྣ་བརྒྱུད་ཟབ་མོ་ངེས་པའི་ལུང་།། ཨ་ཏི་ཡོ་གའི་དོན་འདིར་བཏགས།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི
122b3 རྒྱུད་ལས། གོང་ན་མེད་པར་ངེས་པར་ལུང་བསྟན་པའི་ལེའུ་སྟེ་བཞི་བཅུ་རྩ་གཉིས་པའོ།། །། དེ་ནས་ཡང་བཅོམ་ལྡན་འདས་ཀྱིས་ཉིད་ལས་མི་གནས་པའི་འཁོར་རྣམས་ལ་བཀའ་སྩལ་པ། ཨེ་མ་ཐེག་ཆེན
122b4 ཡངས་པའི་ཆོས།། ཀུན་ཤོང་ཀུན་གྲོལ་ངོ་མཚར་ཆེ།། སྣང་བ་ཤར་བས་ཆོས་ཉིད་མཐོང་།། སྔོན་ཆད་མ་མཐོང་བདག་གིས་མཐོང་།། སྡུག་བསྔལ་ཤར་བས་བདེ་ཆེན་མཐོང་།། བདེ་དང་སྡུག་བསྔལ་གཉིས་མེད
122b5 ཅིང་།། མི་འགྱུར་ཚིག་ཆོད་སྣང་བར་ཤར།། སྔོན་ཆད་མ་མཐོང་བདག་ཉིད་མཐོང་།། སེམས་ཅན་ཤར་བས་སངས་རྒྱས་མཐོང་།། སངས་རྒྱས་སེམས་ཅན་གཉིས་མེད་ཅིང་།། མི་འགྱུར་ཆོས་ཉིད་སྣང་བར
122b6 ཤར།། འཁོར་བར་ཤར་བས་མྱང་འདས་མཐོང་།། འཁོར་བ་མྱང་འདས་གཉིས་མེད་ཅིང་།། མི་འགྱུར་ཆོས་ཉིད་སྣང་བར་ཤར།། སྔོན་ཆད་མ་མཐོང་བདག་ཉིད་མཐོང་།། ཆོས་ཅན་ཤར་བས་ཆོས་ཉིད་མཐོང་།། ཉོན
iiif viewer powered by OpenSeadragon
