| e-texts navigator |
| Wylie |
122a1 དུ་ཕྱུང་བ་ལོངས་སྤྱོད་རྫོགས།། བྱང་ཆུབ་སེམས་ལ་དགག་ཏུ་མེད།། ནམ་མཁའི་ཀློང་ན་མཚན་མི་གནས།། དམིགས་སུ་མེད་པས་ཆོས་ཀྱི་སྐུ།། མངོན་དུ་ཕྱུང་བ་ཡིན་པས་ན།། བྱང་ཆུབ་སེམས་ཀྱི་རང
122a2 བཞིན་ཡིན།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་ལ་སོགས་པའི།། ཉོན་མོངས་དུག་ལྔ་དུག་གསུམ་ཡང་།། རང་བྱུང་ཡེ་ཤེས་མངོན་དུ་ཕྱུང་།། བྱང་ཆུབ་ཀློང་ལ་དགག་ཏུ་མེད།། སྣང་སྲིད་འཁོར
122a3 འདས་རྒྱུ་འབྲས་ཆོས།། རིག་པ་མངོན་དུ་ཕྱུང་བས་ན།། བྱང་ཆུབ་ཀློང་ལ་དགག་ཏུ་མེད།། དོན་དེ་གཏན་ལ་འབེབས་པ་ལ།། དྲང་བའི་དོན་དང་ངེས་པའི་དོན།། ཨ་ནུ་མན་ཆད་རང་རང་གི། བདེན་པའི་གཏན
122a4 ཚིགས་གང་སྨྲས་ཀྱང་།། གཏན་ལ་ཕེབས་པ་མ་ཡིན་ཏེ།། འཛིན་པ་དམ་པོས་བཅིངས་པའི་ཕྱིར།། ཆོས་ཉིད་འཛིན་པ་ཀུན་བྲལ་ལ།། ཕྱོགས་སུ་ལྟ་བ་འཁྲུལ་པའི་བློ།། རོལ་པ་ཕྱོགས་མེད་འབྱུང་བ་ལ།། མཐའ་རུ
122a5 འཛིན་པ་འཆིང་བའི་བདུད།། ཡོད་པར་ཞེན་ན་རྟག་པའི་མཐའ།། མེད་པར་ཞེན་ན་ཆད་པའི་མཐའ།། རྟག་ཆད་གཉིས་སུ་བློ་ཞེན་པ།། བྱང་ཆུབ་སྙིང་པོའི་གོལ་ས་ཡིན།། ངེས་པར་གཏན་ལ་དབབ་པ་ནི།། སྣང་སྲིད
122a6 འཁོར་འདས་ཆོས་རྣམས་ཀུན།། གཞི་ལ་མ་སྤངས་ལྷུན་གྲུབ་པས།། ཕྱོགས་མེད་དག་ཏུ་གཏན་ལ་འབེབས།། ངོ་བོ་ངེས་པ་མེད་པའི་ཕྱིར།། རང་བྱུང་ཡེ་ཤེས་གཏན་ལ་འབེབས།། བདག་ཉིད་ཐོག་མཐའ་བྲལ་བ
iiif viewer powered by OpenSeadragon
