| e-texts navigator |
| Wylie |
121a1 ཇི་ལྟར་སྤྱད་ཀྱང་བདེ་ཆེན་དབྱིངས།། བདེ་ཆེན་དབྱིངས་ལ་བྱ་བཙལ་མེད།། ཇི་ལྟར་བསྒྲུབས་ཀྱང་བདེ་ཆེན་ཀློང་།། བདེ་ཆེན་ཀློང་ལ་འཕོ་འགྱུར་མེད།། ལྟ་བ་ཀློང་ཆེན་ཀློང་རེ་ལངས།། བསྒོམ་པ
121a2 ཀློང་ཆེན་གཏིང་རེ་ཟབ།། སྤྱོད་པ་ཀློང་ཆེན་ཤུགས་རེ་དྲག། འབྲས་བུ་ཀློང་ཆེན་འདོད་དགུར་བསྒྱུར།། རྟོག་པ་ཀློང་ཆེན་བློ་རེ་བདེ།། ཉམས་མྱོང་བཞག་ས་མེད་པའི་ཕྱིར།། ལྟ་བ་ཕྱོགས་རིས་མ་བྱེད་ཅིག། སེམས་ལ
121a3 གཞི་རྟེན་མེད་པའི་ཕྱིར།། ཏིང་འཛིན་དམིགས་གཏད་མ་འཆའ་ཅིག། བདག་གཞན་གཉིས་སུ་མེད་པའི་ཕྱིར།། སྤྱོད་པ་བླང་དོར་མ་བྱེད་ཅིག། འཁོར་འདས་དབྱེ་བསལ་མེད་པའི་ཕྱིར།། འབྲས་བུ་རེ་དོགས་མ་བྱེད
121a4 ཅིག། ནམ་མཁའི་གོང་ན་འབྱུང་བ་མེད།། རང་སེམས་གོང་ནས་སངས་རྒྱས་མེད།། འབྱུང་བ་ནམ་མཁའི་ཆོ་འཕྲུལ་ཡིན།། སངས་རྒྱས་སེམས་ཀྱི་ཆོ་འཕྲུལ་ཡིན།། སེམས་ཅན་ཀུན་ཀྱང་རང་གི་སེམས།། ནམ་མཁའི
121a5 གོང་ན་འབྱུང་བ་མེད།། རང་སེམས་གོང་ན་ལྟ་བ་མེད།། འབྱུང་བ་ནམ་མཁའི་ཆོ་འཕྲུལ་ཡིན།། ལྟ་བ་སེམས་ཀྱི་ཆོ་འཕྲུལ་ཡིན།། བལྟ་རུ་མེད་པའི་རང་གི་སེམས།། ནམ་མཁའི་གོང་ན་འབྱུང་བ་མེད།། སེམས་ཀྱི
121a6 གོང་ན་ཏིང་འཛིན་མེད།། ཏིང་འཛིན་སེམས་ཀྱི་ཆོ་འཕྲུལ་ཡིན།། མི་བསྒོམ་པ་ཡང་རང་གི་སེམས།། ནམ་མཁའི་གོང་ན་འབྱུང་བ་མེད།། རང་སེམས་གོང་ན་སྤྱོད་པ་མེད།། སྤྱོད་པ་སེམས་ཀྱི་ཆོ་འཕྲུལ་ཡིན།། མི་སྤྱོད
iiif viewer powered by OpenSeadragon
