| e-texts navigator |
| Wylie |
120b1 དང་།། ད་ལྟ་ཉིད་ལ་ནོན་པའི་ཕྱིར།། བསྒྲུབ་པ་ཆེན་པོ་ཀུན་ཏུ་བཟང་།། རང་བྱུང་དོན་གྱི་བསྒྲུབ་པ་ཡིན།། དེ་ཡི་ཕྲིན་ལས་བྱ་བཙལ་མེད།། ཉོན་མོངས་རང་སར་ཞི་བའི་ཕྱིར།། བྱང་ཆུབ་སེམས་ནི་ཞི་བར
120b2 གྲགས།། ཡོན་ཏན་མཆོག་ཏུ་རྒྱས་པའི་ཕྱིར།། བྱང་ཆུབ་སེམས་ནི་རྒྱས་པར་གྲགས།། རིག་པ་རང་དབང་ཐོབ་པ་ཡིས།། བྱང་ཆུབ་སེམས་ནི་དབང་དུ་གྲགས།། འཁྲུལ་པ་རྩད་ནས་བཅད་པའི་ཕྱིར།། བྱང་ཆུབ་སེམས
120b3 ནི་དྲག་པོ་ཡིན།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། གྲུབ་པ་མཆོག་གི་ལེའུ་སྟེ་བཞི་བཅུ་རྩ་གཅིག་པའོ།། །། དེ་ནས་ཡང་བཅོམ་ལྡན་འདས་ཀྱིས་འཁོར་རྣམས་ལ་བཀའ་སྩལ
120b4 པ། མ་སྡོད་སེམས་ཀྱི་ཀློང་ལ་ལྟོས།། སེམས་ཉིད་ཀློང་ཆེན་གཞལ་ཡས་ཁང་།། བལྟས་པས་མི་མཐོང་བཞག་པས་གསལ།། གང་ཡང་བཞག་པ་རང་ན་བདེ།། མ་སྡོད་སེམས་ཀྱི་ཀློང་ན་བསྒོམ།། བསྒོམས་པས་མི
120b5 གསལ་བཞག་པས་གསལ།། གང་ཡང་བཞག་པ་རང་ན་བདེ།། མ་སྡོད་སེམས་ཀྱི་ཀློང་ལ་སྤྱོད།། སྤྱད་པས་མི་ཟིན་བཞག་པས་ཟིན།། གང་ཡང་བཞག་པ་རང་ན་བདེ།། མ་སྡོད་སེམས་ཀྱི་ཀློང་ལ་བསྒྲུབ།། བསྒྲུབས
120b6 པས་མ་རྙེད་བཙལ་བ་སྟོར།། དམིགས་སུ་མེད་པའི་ཀློང་ན་བདེ།། ཇི་ལྟར་བལྟས་ཀྱང་བདེ་ཆེན་ཀློང་།། བདེ་ཆེན་ཀློང་ལ་ཡངས་དོག་མེད།། ཇི་ལྟར་བསྒོམས་ཀྱང་བདེ་ཆེན་དང་།། བདེ་ཆེན་ངང་ལ་རྒྱུན་ཆད་མེད།།
iiif viewer powered by OpenSeadragon
