| e-texts navigator |
| Wylie |
120a1 འགྲུབ།། འདུ་འབྲལ་མེད་ཅིང་མི་ཤིགས་པས།། དེ་ཡི་ཡོན་ཏན་རྡོ་རྗེ་འཆར།། མ་བསྒྲུབས་ལྷུན་གྲུབ་འབྲས་བུར་གནས།། གཉིས་ཀ་རྒྱུད་ཀྱི་སྒོར་ཞུགས་ནས།། ལྷ་སྤྱོད་གོང་འོག་འབྲེལ་བ་ཡིས།།
120a2 རྗེ་འཛིན་པ་བསྒྲུབས་པ་ཡང་།། མི་གཏོང་འཛིན་གོམས་འབྲལ་མེད་པས།། དེ་ཡི་ཡོན་ཏན་རྡོ་རྗེ་འཛིན།། མ་བསྒྲུབས་ལྷུན་གྲུབ་འབྲས་བུར་གནས།། རྣལ་འབྱོར་རྒྱུད་ཀྱི་སྒོར་ཞུགས་ནས།། མི་ཚེ་ལྔ་རུ་བསྒྲུབས་པ
120a3 ཡི།། སྟུག་པོ་བཀོད་པ་དེ་ལ་འགྲུབ།། མ་འདྲེས་ཡོངས་སུ་རྫོགས་པ་ཡིས།། དེ་ཡིས་ཡོན་ཏན་སྟུག་པོ་བཀོད།། མ་བསྒྲུབས་ལྷུན་གྲུབ་འབྲས་བུར་གནས།། རྣལ་འབྱོར་ཆེན་པོའི་སྒོར་ཞུགས་ནས།། མི་ཚེ་གསུམ་མམ
120a4 གཉིས་བསྒྲུབས་པ།། པདྨ་ཅན་ཡང་དེ་ལ་འགྲུབ།། སྐྱོན་བྲལ་ཡེ་ཤེས་ཕྱོགས་མེད་གཟིགས།། དེ་ཡི་ཡོན་ཏན་པདྨའི་སྤྱན།། མ་བསྒྲུབས་ལྷུན་གྲུབ་འབྲས་བུར་གནས།། ཡོངས་སུ་རྣལ་འབྱོར་སྒོར་ཞུགས་ནས།། མི་ཚེ
120a5 གཅིག་ཏུ་བསྒྲུབས་པ་ཡིན།། ཡི་གེ་འཁོར་ལོ་ཚོགས་ཆེན་ཡང་།། རང་བྱུང་ཡེ་ཤེས་དེ་ལ་འགྲུབ།། མ་སྐྱེས་ཆོས་ཀྱི་འཁོར་ལོ་དེ།། རྒྱུན་ཆད་མེད་པར་བསྐོར་བ་དང་།། དེ་ལ་ཡོན་ཏན་ཚོགས་གཉིས་ཀྱང་།། ཡི་གེ
120a6 འཁོར་ལོ་ཚོགས་ཆེན་ཡིན།། མ་བསྒྲུབས་ལྷུན་གྲུབ་འབྲས་བུར་གནས།། དེ་དག་ཐམས་ཅད་དབྱེར་མེད་པས།། ཀུན་ཏུ་བཟང་པོར་གཅིག་པའི་ཕྱིར།། དབྱེ་བ་མེད་པའི་ས་ཡང་ཡིན།། ཡེ་ནས་རང་ལ་གནས་པ
iiif viewer powered by OpenSeadragon
