| e-texts navigator |
| Wylie |
11a1 སྐུ་བརྙེས་པས།། གཅིག་པུ་སྲ་མཁྲེགས་རྡོ་རྗེའི་བདག། སྐྱེས་མ་ཐག་ཏུ་རང་གྲོལ་བས།། རྡོ་རྗེ་སློབ་དཔོན་ཞེས་སུ་བརྗོད།། དབང་བཞི་རྫོགས་པའི་སློབ་དཔོན་དེ།། རྡོ་རྗེ་སློབ་དཔོན་ཞེས་བརྗོད་དོ།།
11a2 རྡོ་རྗེ་གདན་ནི་མ་ལུས་ལྡན།། རྡོ་རྗེ་གཅིག་པུས་གཡུལ་སེལ་བས།། སློབ་དཔོན་དཔའ་བོ་ཆེ་ཞེས་བརྗོད།། ཚིག་དབང་གཅིག་ལ་ཐམས་ཅད་རྫོགས།། རང་རིག་ཡེ་ཤེས་མ་བཅོས་པས།། རྣལ་འབྱོར་ཞེས་ཀྱང་དེ་ལ
11a3 བྱ། དོན་ལྡན་བློ་ལ་འབྱོར་པ་ཡིས།། རྣལ་འབྱོར་ཆེན་པོ་ཞེས་ཀྱང་བྱ།། ཆོས་སྐུ་མི་འགྱུར་རྟག་པའི་སྐུ།། དུས་གསུམ་འཕོ་འགྱུར་མེད་པར་ཤེས།། རྟག་པ་ཀུན་རྒྱལ་རྣལ་འབྱོར་ཅན།། གསང་བ་མངོན་དུ་ཕྱུང་ནས
11a4 བསྟན།། གསང་བ་སྦས་པའི་ཁུངས་བརྟོལ་བས།། བླ་མས་དབང་བཞི་བསྐུར་བས་ན།། བླ་མ་གསང་སྔགས་ཀུན་པས་མཆོག། ཅེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས།། ཚིག་དབང་བླ་མ་ལ་རག་ལུས
11a5 པའི་ལེའུ་སྟེ་བརྒྱད་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། གསང་སྔགས་བླ་མའི་ཐུགས་ལ་གནས།། གསང་སྔགས་དོན་ཀུན་སྐྱེད་པ་པོ།། གསང་སྔགས་བདག་པོ་སྣ
11a6 ཚོགས་སྟོན།། ཁྱོད་ནི་རྩེ་གཅིག་ཡིད་ཀྱིས་ཉོན།། གནས་བརྟན་རྒན་པོ་སྐྱེ་དགུའི་བདག། སངས་རྒྱས་རབས་བདུན་དོ་ཟླའོ།། དེ་ཡི་དགོངས་པ་བཤད་པར་བྱ།། ལྡེམ་པོར་དགོངས་པ་རྣམ་པ་བཞི།། གཞི་ལ་ལྡེམ
iiif viewer powered by OpenSeadragon
