| e-texts navigator |
| Wylie |
119b1 རྟོགས་པ་ཡིས།། བྱ་བྲལ་ཀློང་ཆེན་བསྒྲུབ་པ་བྱ།། ཆོས་ཉིད་ཀློང་ཡངས་དཀྱིལ་འཁོར་དུ།། མ་འགགས་རོལ་པའི་ལྷ་བཀོད་དེ།། འཁོར་འདས་གཉིས་ཀྱི་རྫས་བསོགས་ནས།། དབྱེར་མེད་དོན་གྱི་བསྒྲུབ་པ་བྱ།། རང
119b2 བཞིན་ལྷུན་གྲུབ་དཀྱིལ་འཁོར་དུ།། སྐྱེ་མེད་དབྱིངས་ཀྱི་ལྷ་བཀོད་ནས།། སྣ་ཚོགས་སྣང་བའི་རྫས་བསོགས་ཏེ།། དམིགས་སུ་མེད་པའི་བསྒྲུབ་པ་བྱ།། བྱང་ཆུབ་སེམས་ཀྱི་དཀྱིལ་འཁོར་དུ།། ཆོས་སྐུ་བདེ་ཆེན་ལྷ
119b3 བཀོད་དེ།། འདུས་མ་བྱས་པའི་རྫས་པ་སོགས་ནས།། སྐྱེ་ཤི་མེད་པའི་བསྒྲུབ་པ་བྱ།། སྣང་སྲིད་འབྱུང་བ་ལྔ་ཡི་ཆོས།། འབྱུང་བ་ཆེན་པོ་བཅོམ་ལྡན་འདས།། འདོད་དགུར་འབྱུང་བས་རིན་པོ་ཆེ།། འབྱུང་བ་ལྔ
119b4 ཡི་ཐུགས་རྗེ་ཡིས།། རྩི་འཁྲུངས་ལོ་ཐོག་སྣ་ཚོགས་སྨིན།། གྲུབ་པའི་འབྲས་བུ་འདོད་ཡོན་ལྔ།། ཐུན་མོང་འགྲུབ་པའི་ཡོན་ཏན་ཡིན།། ཁྱད་པར་བསྒྲུབ་པའི་འབྲས་བུ་ནི།། སྐུ་གསུམ་སྐྱེ་འཆི་མེད་པའི་ཀློང་།། ཡེ་ནས
119b5 གནས་པས་བསྒྲུབ་མི་དགོས།། མ་བསྒྲུབས་ལྷུན་གྲུབ་འབྲས་བུ་ལ།། སྒྲུབ་པ་ཆེན་པོ་ཞེས་སུ་བཏགས།། བྱང་ཆུབ་སེམས་དཔའི་སྒོར་ཞུགས་ནས།། བསྐལ་པ་བྱེ་བར་སྦྱངས་པ་ཡི།། ཀུན་ཏུ་འོད་ཀྱང་དེ་ལ
119b6 འགྲུབ།། ཕྱི་ནང་སྒྲིབ་གཡོགས་མི་མངའ་བས།། དེ་ཡི་ཡོན་ཏན་ཀུན་ཏུ་འོད།། མ་བསྒྲུབས་ལྷུན་གྲུབ་འབྲས་བུར་གནས།། བྱ་བ་རྒྱུད་ཀྱི་སྒོར་ཞུགས་ནས།། མི་ཚེ་བདུན་དུ་བསྒྲུབས་པ་ཡི།། རྡོ་རྗེ་འཆང་ཡང་དེ་ལ
iiif viewer powered by OpenSeadragon
