| e-texts navigator |
| Wylie |
118b1 དབྱིངས།། ཆོས་ཀྱི་དབྱིངས་ལ་བྱ་རུ་མེད།། དབྱིངས་ཉིད་གཅིག་ལ་བཙལ་དུ་མེད།། རྩོལ་བསྒྲུབ་རང་གི་དབྱིངས་ནས་ཤར།། གཞན་ནས་བཙལ་དུ་མེད་པའི་ཕྱིར།། གང་ལ་རྩོལ་ཞིང་གང་དུ་བསྒྲུབ།། བསྒྲུབ་ཅིང
118b2 རྩོལ་བར་རང་གི་སེམས།། བཙལ་བའི་ཡུལ་མེད་རང་སྣང་ལ།། བསྒོམས་པས་གཞན་དུ་མཐོང་བ་མེད།། བསྒྲུབ་པའི་གཞི་མེད་གནས་མེད་པས།། གཞན་ནས་འོང་བ་གང་ཡང་མེད།། འགྲོ་འོང་མེད་པ་ཆོས་ཀྱི
118b3 སྐུ།། མཉམ་པའི་དོན་ལས་ཉམས་པ་མེད།། མཐའ་དང་བྲལ་བས་བདག་གཞན་མེད།། ཅེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། ཚོགས་དྲུག་འཇུག་པ་མེད་པའི་ལེའུ་སྟེ་བཞི་བཅུ
118b4 པའོ།། །། དེ་ནས་ཡང་ཉིད་ཀྱི་འཁོར་ལ་སྟོན་པ་ཉིད་ཀྱིས་བཀའ་སྩལ་པ།། ཆོ་འཕྲུལ་ཆོ་འཕྲུལ་ཞེས་བྱ་བ།། བསྒྲུབ་པ་དོན་དུ་གཉེར་ལས་འབྱུང་།། ངེས་པར་བསྒྲུབས་ན་གཅིག་ལས་མེད།། སངས་རྒྱས་རང
118b5 ལས་བྱུང་བའི་ཕྱིར།། རང་གི་འབྲས་བུ་རང་གིས་བསྒྲུབ།། བསྒྲུབས་པས་གཞན་ནས་མི་འགྲུབ་ཕྱིར།། རང་གི་འབྲས་བུ་རང་གིས་གྲུབ།། བདག་གཞན་གཉིས་སུ་མེད་པའི་ཕྱིར།། རང་གི་འབྲས་བུ་རང་གིས
118b6 གྲུབ།། ཡོན་ཏན་རང་ལ་རྫོགས་པའི་ཕྱིར།། རང་གི་འབྲས་བུ་རང་གིས་གྲུབ།། གཉེན་པོ་གཞན་ན་མེད་པའི་ཕྱིར།། རང་གི་འབྲས་བུ་རང་གིས་གྲུབ།། བསྒྲུབ་པར་བྱ་བའི་ཐབས་དེ་ལ།། བསྙེན་དང་ཉེ་བའི་བསྙེན་པ
iiif viewer powered by OpenSeadragon
