| e-texts navigator |
| Wylie |
118a1 དབྱིངས་ལ་སྣང་སྟོང་མེད།། སྐྱེ་ཤི་དབྱེར་མེད་ཀུན་ཏུ་བཟང་།། ཀུན་བཟང་ཀློང་ན་སྐྱེ་ཤི་མེད།། བདེ་སྡུག་དབྱེར་མེད་ཀུན་ཏུ་བཟང་།། ཀུན་བཟང་ཀློང་ན་བདེ་སྡུག་མེད།། བདག་གཞན་རྟག་ཆད་ལ
118a2 སོགས་ཀུན།། དབྱེ་བ་མེད་དེ་ཀུན་ཏུ་བཟང་།། ཀུན་བཟང་ཀློང་ན་བདག་གཞན་མེད།། སྐྱེ་མེད་ཀློང་ན་རྟག་ཆད་མེད།། མེད་ལས་ཡོད་འཛིན་འཁྲུལ་པར་བརྟགས།། ཐམས་ཅད་ཀུན་བཟང་ལྷུན་གྱིས་གྲུབ།། གཅིག
118a3 ལས་ཤར་བས་བརྡལ་བ་ཆེ།། མཐའ་རྣམས་མ་ལུས་རང་སར་གྲོལ།། གཟུང་འཛིན་མཚན་མ་ཟིལ་གྱིས་མནན།། མཐའ་རྣམས་མ་ལུས་དབྱིངས་སུ་གཅིག། གཅིག་ཏུ་འགྲན་ཟླ་བྲལ་བའི་ཕྱིར།། རབ་ཏུ་ཆེ་མཆོག
118a4 ཆོས་ཀྱི་སྐུ།། ཆེ་བའི་ཆེན་པོར་རང་བཞིན་གནས།། ཀུན་བཟང་ཡངས་པ་ཆོས་ཀྱི་དབྱིངས།། རྒྱལ་པོ་ལྟ་བུར་མི་གཡོ་ཡང་།། མཚན་མ་ཐམས་ཅད་ཟིལ་གྱིས་གནོན།། འཁོར་འདས་ཀུན་ལ་དབང་བསྒྱུར
118a5 ཀྱང་།། མཉམ་པའི་དོན་ལས་གཡོས་པ་མེད།། ཐམས་ཅད་ཀུན་ཏུ་བཟང་པོར་གཅིག། མི་བཟང་པ་ཡང་བཟང་པོར་གཅིག། བཟང་ངན་མེད་པར་ཀུན་ཏུ་བཟང་།། མི་གཅིག་པ་ཡང་གཅིག་པར་གནས།། ཐམས་ཅད
118a6 ལྷུན་གྱིས་གྲུབ་པར་འདུས།། མ་གྲུབ་པ་ཡང་གྲུབ་པར་འདུས།། མཉམ་ཉིད་ལྷུན་གྱིས་གྲུབ་པ་ལ།། གྲུབ་དང་མ་གྲུབ་མེད་པར་གཅིག། གཅིག་ལས་ཀུན་ཏུ་ཤར་བས་ན།། ཀུན་ཤར་རིས་མེད་ཆོས་ཀྱི
iiif viewer powered by OpenSeadragon
