| e-texts navigator |
| Wylie |
117b1 ལོངས་སྤྱོད།། ལོངས་སྤྱོད་རྫོགས་སྐུར་ཉིད་ཀྱིས་བསྟན།། ཇི་ལྟར་བྱས་ཀྱང་སྐུ་གསུམ་ཀློང་།། འདུས་མ་བྱས་པ་ཆོས་ཀྱི་དབྱིངས།། སྐུ་གསུམ་དབྱིངས་ནས་རང་ཤར་བས།། འཁོར་འདས་གཉིས་ཀྱང་རང་ལ
117b2 ཤར།། དེ་ཡི་ངང་ལས་གཡོས་པ་མེད།། རང་ཤར་རང་གྲོལ་ཆོས་ཉིད་ཀྱིས།། མཚན་མ་ཐམས་ཅད་ཟིལ་གྱིས་གནོན།། སེམས་ཉིད་ཀློང་ཆེན་འགྱུར་མེད་དེ།། ནམ་མཁའི་ཀློང་ལྟར་ཡོངས་ལ་ཁྱབ།། རོལ་པ་ངེས་མེད
117b3 ཅིར་ཡང་འཆར།། ཐུགས་རྗེའི་ཆོ་འཕྲུལ་མི་ཟད་ཀློང་།། ཐམས་ཅད་དབྱིངས་ཀྱི་རྒྱན་དུ་སྣང་།། དབྱིངས་ལས་མ་གཏོགས་ཆོས་མེད་པས།། གཞན་དུ་འགོག་པའི་ཡུལ་དང་བྲལ།། ཚོགས་དྲུག་རང་སར་གྲོལ་བའི
117b4 ཕྱིར།། མཚན་མའི་རྟོག་པ་ཟིལ་གྱིས་གནོན།། སྣང་བ་རྒྱ་ཡན་ཡིན་པའི་ཕྱིར།། འདུ་འཕྲོ་བྱང་ཆུབ་སེམས་ཀྱི་རྩལ།། ཅིར་ཡང་མ་ཡིན་ཆོས་ཉིད་ལ།། སྣ་ཚོགས་ཅིར་ཡང་སྣང་བའི་ཕྱིར།། ངོ་མཚར་རྨད་བྱུང་བྱ་བྲལ
117b5 ཆོས།། འཁོར་འདས་ཐེག་པ་ཐམས་ཅད་ལ།། ཀུན་ལ་དབང་བསྐུར་བྱ་བྲལ་ཆོས།། བྱར་མེད་གཅིག་གི་རང་སྟོབས་ཀྱིས།། མཐའ་རྣམས་ཐམས་ཅད་ཟིལ་གྱིས་མནན།། དེ་ལ་མཐའ་དང་ཡུལ་གཞན་མེད།། བྱར
117b6 མེད་ཀློང་ལས་གར་མ་གཡོས།། མཐའ་རྣམས་ཀུན་བྲལ་ཀུན་ཏུ་བཟང་།། འཁོར་འདས་བྱར་མེད་ཀུན་ཏུ་བཟང་།། ཀུན་བཟང་ཀློང་ན་འཁོར་འདས་མེད།། སྣང་སྟོང་དབྱེར་མེད་ཀུན་ཏུ་བཟང་།། ཀུན་བཟང
iiif viewer powered by OpenSeadragon
