| e-texts navigator |
| Wylie |
117a1 རྣམས་ཟིལ་གྱིས་གནན་པའི་ཕྱིར།། མན་ངག་ཀུན་གྱི་རྒྱལ་པོ་ཡིན།། དུས་གསུམ་སངས་རྒྱས་འབྱུང་བའི་ཕྱིར།། རིག་པའི་ཡེ་ཤེས་ཆོས་ཀྱི་དབྱིངས།། གཟུང་འཛིན་ཟིལ་གྱིས་གནན་པའི་ཕྱིར།། རང
117a2 རིག་སྟོང་ཉིད་བྱང་ཆུབ་ཀློང་།། ཆེ་བའི་ཡོན་ཏན་མ་ལུས་པའི།། རྣམ་གྲངས་ཇི་སྙེད་ཡོད་པ་ཀུན།། དབྱིངས་ལས་དབྱིངས་འབྱུང་ཐབས་ཀྱི་མཆོག། མ་འགགས་རང་ཤར་རོལ་པའི་རྒྱན།། ཐམས་ཅད་སྐྱེ་བ་མེད་པའི
117a3 དབྱིངས།། ལྷུན་རྫོགས་ཆེན་པོ་ཆོས་ཀྱི་སྐུ།། དངོས་པོ་ཟིལ་གྱིས་གནོན་པའི་ཕྱིར།། ཆོས་ཉིད་བྱང་ཆུབ་སེམས་ཀྱི་ཀློང་།། སྟོང་ཉིད་དབྱིངས་ལ་འགག་པ་མེད།། དུས་གསུམ་རྒྱལ་བའི་མཁྱེན་ཚད་དེ།། མེད་པར་ཞེན
117a4 པ་སྟོང་པའི་མཐའ།། ཟིལ་གནོན་རང་རིག་བྱང་ཆུབ་ཀློང་།། བྱང་ཆུབ་སེམས་ཀྱི་རང་བཞིན་ལ།། ཡེ་ནས་སྣང་སྟོང་གཉིས་སུ་མེད།། གཉིས་མཐར་མི་གཟིགས་རྟོག་ལས་འདས།། དམིགས་པའི་མཐའ་ལས་གྲོལ
117a5 བའི་ཕྱིར།། གཉིས་མེད་མ་ཞེན་བྱང་ཆུབ་སེམས།། ཐུགས་རྗེ་བསམ་ཡས་ཆོ་འཕྲུལ་འབྱུང་།། མཐའ་བཞིར་མ་འགགས་ཟིལ་གྱིས་གནོན།། ཆེ་མཉམ་ཆུང་མཉམ་བྱང་ཆུབ་སེམས།། མཉམ་པས་ཆེ་ལ་ཆེ་བས
117a6 མཉམ།། ཆེ་ཆུང་མེད་པ་ཆོས་ཀྱི་སྐུ།། དམིགས་སུ་མེད་པས་ནམ་མཁའ་བཞིན།། དེ་ཡི་མཛད་སྤྱོད་ཅིར་ཡང་སྟོན།། མ་འགགས་ཐུགས་རྗེའི་སྤྲུལ་པ་ནི།། ངེས་མེད་སྐུ་སྟེ་ཅིར་ཡང་སྣང་།། ཉིད་ཀྱི་རོལ་པར་ཉིད
iiif viewer powered by OpenSeadragon
