| e-texts navigator |
| Wylie |
116b1 འདུས་པའི་ཕྱིར།། ཆོས་ཀུན་རྩ་བ་བྱང་ཆུབ་སེམས།། འདུ་འབྲལ་མེད་པས་ཆོས་ཀྱི་སྐུ།། གཉིས་སུ་མེད་པས་བྱང་ཆུབ་སེམས།། བདག་གཞན་མེད་པས་མཉམ་པ་ཉིད།། ཆོས་ཀྱི་དབྱིངས་ལ་ཕྱོགས་རིས་མེད།། ཀུན
116b2 ལ་སྙོམས་མཛད་ཐུགས་རྗེའི་དཔལ།། བྱང་ཆུབ་སེམས་ཀྱིས་ཡོངས་ལ་ཁྱབ།། འགྲོ་དོན་མཐར་ཕྱིན་དམིགས་པ་མེད།། ཕྲིན་ལས་བྱང་ཆུབ་སེམས་ལ་རྫོགས།། འཕོ་འགྱུར་མེད་པ་ཆོས་ཀྱི་སྐུ།། སྐྱེ་མེད་ཆོས་ཀྱི
116b3 དབྱིངས་ན་གསལ།། ཆོས་ཀྱི་དབྱིངས་ལ་མཐོ་དམན་མེད།། ཅི་རུ་ཤར་ཡང་མཉམ་པའི་ཀློང་།། བྱང་ཆུབ་སེམས་ལ་སྟེང་འོག་མེད།། ཁ་གཏིང་མེད་པ་ཆོས་ཀྱི་དབྱིངས།། དབྱིངས་ལ་ཕྱི་ནང་ཅིར་ཤར་ཡང་།། བྱ་བྲལ
116b4 ཀློང་ལ་ཕྱི་ནང་མེད།། དབྱེར་མེད་ཟང་ཐལ་གཅིག་གི་ཀློང་།། གཅིག་གི་ཀློང་ན་ཀུན་སྤྱོད་པས།། རང་ལ་རང་བལྟ་ཐུག་ཕྲད་ཡིན།། རང་ལ་རང་གཅོད་ཐུག་ཕྲད་ཡིན།། རལ་གྲིའི་སོ་དང་གླང་ཆེན་བཞིན།། རང་གི
116b5 ཞེན་པ་རང་གིས་གཅོད།། ཅེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། སྐུ་གསུམ་ཐུག་ཕྲད་དུ་བསྟན་པའི་ལེའུ་སྟེ་སུམ་ཅུ་རྩ་དགུ་པའོ།། །། དེ་ནས་ཡང་བཅོམ་ལྡན་འདས་ཀྱིས་སླར
116b6 བཀའ་སྩལ་པ། དུས་གསུམ་སྐྱེ་འགག་མེད་པའི་ཕྱིར།། ཆོས་ཀྱི་དབྱིངས་ལ་རྒྱུན་ཆད་མེད།། མི་འགྱུར་འདུས་མ་བྱས་པའི་ཀློང་།། མཐའ་རྣམས་ཐམས་ཅད་འཇོམས་པའི་ཕྱིར།། རྡོ་རྗེའི་ཐོ་ཆེན་འབར་བ་སྟེ།། ཕྱོགས
iiif viewer powered by OpenSeadragon
