| e-texts navigator |
| Wylie |
116a1 རྫོགས།། རང་གིས་རང་ལ་སྨྲ་ཞིང་བརྗོད།། བྱང་ཆུབ་སེམས་ལ་སྒྲ་བརྗོད་མེད།། བརྗོད་དུ་མེད་པ་རྒྱལ་བའི་གསུངས།། ཇི་ལྟར་བསམས་ཀྱང་རང་གི་ངང་།། ཇི་ལྟར་བརྟགས་ཀྱང་རང་ལ་རྟོག། བྱང
116a2 ཆུབ་སེམས་ལ་བསམ་རྟོག་མེད།། བསམ་རྟོག་བྲལ་བ་རྒྱལ་བའི་ཐུགས།། རྟོག་མེད་མཉམ་ཉིད་ཆོས་ཀྱི་སྐུ།། མེད་ལས་ཅིར་ཡང་འབྱུང་བས་ན།། སྤྲུལ་པའི་སྐུ་ཞེས་གྲགས་པ་ཡིན།། ཉིད་ལ་ཉིད་ཀྱི་ལོངས་སྤྱོད
116a3 མཛད།། ལོངས་སྤྱོད་རྫོགས་པའི་སྐུ་ཞེས་བྱ།། དེ་ལ་དངོས་གཞི་མེད་པའི་ཕྱིར།། ཆོས་ཀྱི་སྐུ་ཞེས་བཏགས་པ་ཡིན།། འབྲས་བུ་སྐུ་གསུམ་ལྷུན་གྲུབ་པས།། དབྱེར་མེད་གཅིག་གི་ཀློང་དུ་བསྟན།། ལྷུན་གྲུབ་ཀློང
116a4 ནས་ཐམས་ཅད་འབྱུང་།། ཕྱི་ནང་སྐྱེ་འགྲོ་གཟུགས་རྣམས་ཀུན།། ཕྱོགས་མེད་སྐུ་སྟེ་སྐུ་ལ་རོལ།། མི་ཟད་རྒྱན་གྱི་འཁོར་ལོ་ཡིན།། སྒྲ་སྐད་རབ་འབྲིང་ཐ་མར་གྲགས།། ཕྱོགས་མེད་གསུང་སྟེ་གསུང་ལ་རོལ།། མི་ཟད
116a5 རྒྱན་གྱི་འཁོར་ལོ་ཡིན།། དབྱེར་མེད་དོན་དམ་ངོ་བོར་གཅིག། ཕྱོགས་མེད་ཐུགས་ཏེ་ཐུགས་ལ་རོལ།། མི་ཟད་རྒྱན་གྱི་འཁོར་ལོ་ཡིན།། ཡོན་ཏན་ཕྲིན་ལས་ལ་སོགས་པ།། ཕྱོགས་མེད་ཀུན་ཏུ་རང་བྱུང་བས།། འདོད
116a6 པ་ཐམས་ཅད་འགྲུབ་པའི་ཕྱིར།། ནོར་བུ་རིན་ཆེན་ཆོས་ཀྱི་དབྱིངས།། གཞན་ནས་བཙལ་དུ་མེད་པའི་ཕྱིར།། ཐམས་ཅད་རང་བྱུང་རང་ཤར་བས།། འདོད་དགུར་སྦྱར་བ་ཐུགས་རྗེའི་དཔལ།། ཐམས་ཅད་མ་ལུས
iiif viewer powered by OpenSeadragon
