| e-texts navigator |
| Wylie |
115b1 ཚད་ཀྱང་།། དབྱིངས་ལས་ཤར་ཞིང་དབྱིངས་སུ་མཁྱེན།། མཁྱེན་པ་མ་འགགས་ཆོས་ཀྱི་དབྱིངས།། ཤེས་བྱ་མ་འགགས་རིག་པའི་རྩལ།། སྐུ་གསུམ་ཐུག་ཕྲད་རང་ཤར་བས།། གཉིས་སུ་མེད་པར་རང་གྲོལ
115b2 ཀློང་།། ཐིག་ལེ་བྱང་ཆུབ་སེམས་ཉིད་ནི།། ཐམས་ཅད་ཀུན་གྱི་དངོས་གཞི་སྟེ།། མཚན་ཉིད་མ་འགགས་ཅིར་ཡང་ཤར།། སྣ་ཚོགས་ཆོས་ལ་ངེས་པ་མེད།། དབང་པོ་ཅིར་མཐོང་ཆོས་ཉིད་གསལ།། སྣང་བ་རྒྱ་ཡན།
115b3 རིག་པའི་ཀླུང་།། རང་སྒོ་བདེ་བའི་ཀློང་དུ་གནས།། སྐུ་དྲུག་ཟང་ཐལ་རང་ལ་ཤར།། ཡེ་ཤེས་རང་ཤར་ཆོས་ཉིད་ཀློང་།། མ་བསྒྲིབས་ཕྱི་ནང་མེད་པར་གསལ།། རང་རིག་སེམས་ཀྱི་མེ་ལོང་ལ།། རང་སྣང་དབྱིངས་ཀྱི
115b4 སྣང་བ་ཤར།། རང་ལས་འདའ་བ་མེད་པའི་ཕྱིར།། ཡེངས་དང་མ་ཡེངས་ཡེ་ནས་མེད།། མ་བཅོས་རྣལ་འདུག་རང་ལུགས་ལ།། ལུས་སེམས་ཁོང་གློད་གར་དགར་བཞག། ཤེས་པ་བག་ཡངས་རྩོལ་མེད་ལ།། བྱར
115b5 མེད་སྐྱེས་བུ་བཞིན་དུ་གནས།། གྲིམས་ལྷོད་མེད་པའི་ཆོས་ཉིད་ལ།། ལུས་སེམས་གར་དགར་བཞག་པས་བདེ།། ཇི་ལྟར་འདུག་ཀྱང་རང་གི་ངང་།། འགྲོ་འདུག་ཟ་འཆག་སྤྱོད་ལམ་ཀུན།། རང་སྣང་ཀློང་ལས་གཡོས
115b6 པ་མེད།། རང་སྣང་བྱང་ཆུབ་སེམས་འདི་ལ།། འགྲོ་དང་འོང་བ་ངང་གིས་མེད།། འགྲོ་འོང་མེད་པ་རྒྱལ་བའི་སྐུ།། ཇི་ལྟར་སྨྲས་ཀྱང་རང་ལ་སྨྲ།། ཇི་ལྟར་བརྗོད་ཀྱང་རང་ལ་བརྗོད།། ཇི་ལྟར་རྫོགས་ཀྱང་རང་ལ
iiif viewer powered by OpenSeadragon
