| e-texts navigator |
| Wylie |
115a1 འབྱམས།། བདེ་ཆེན་ཀློང་འབྱམས་དམ་ཚིག་ཡིན།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། དམ་ཚིག་གྲངས་བསྲུང་དང་བྲལ་བའི་ལེའུ་སྟེ་སུམ་ཅུ་རྩ་བརྒྱད་པའོ།། །། དེ
115a2 ནས་ཡང་བཅོམ་ལྡན་འདས་ཀྱིས་ཉིད་ལས་མི་གཞན་པའི་འཁོར་རྣམས་ལ་ཉིད་ཀྱི་དོན་འདི་གསུངས་སོ།། སྐྱེ་ཞིང་འཇིག་པའི་མཐའ་མེད་པས།། བྱ་བྲལ་ཀློང་ཆེན་ནམ་མཁའི་ངང་།། དབྱེ་བསལ་བླང་དོར་མེད་པའི
115a3 ཕྱིར།། གསེར་གླིང་ལྟ་བུར་ཡངས་པའི་ཀློང་།། ཕྱི་ནང་མེད་པར་རང་ཤར་བས།། ནུབ་པའི་མཐའ་མེད་བྱང་ཆུབ་སེམས།། མཐའ་ཡི་མུན་པ་སེལ་བའི་ཕྱིར།། ཡེ་ཤེས་སྒྲོན་མ་དབྱིངས་སུ་གསལ།། མཐའ་བཞི་མ
115a4 སྤངས་བྱང་ཆུབ་སེམས།། མཐའ་ཡི་སྐྱོན་གྱིས་མ་རེག་པས།། གོལ་ས་ཐམས་ཅད་ཤུགས་ལ་ཆོད།། གཡང་ས་མེད་པའི་སེམས་ཉིད་ལ།། རྩོལ་མེད་སྐུ་གསུམ་ལྷུན་རྫོགས་ཀྱང་།། འཁོར་འདས་མིང་དུ་བཏགས
115a5 པ་ལ།། རྒྱུ་འབྲས་ཅན་གྱིས་ཟ་དད་འཛིན།། འགྲོ་དྲུག་སྐྱེ་གནས་བཞི་པོ་ཡང་།། ཆོས་དབྱིངས་རབ་འབྱམས་ཆོ་འཕྲུལ་བས།། དབྱིངས་ལས་སྐྱེ་ཞིང་དབྱིངས་སུ་འཛིན།། གཟུང་འཛིན་ཡུལ་སེམས་ཐ་དད
115a6 ཀྱང་།། ཆོས་དབྱིངས་རབ་འབྱམས་ཆོ་འཕྲུལ་ཏེ།། དབྱིངས་ལས་སྐྱེ་ཞིང་དབྱིངས་ཀྱིས་འཛིན།། དབྱིངས་ཀྱི་ངང་ལ་གཟུང་འཛིན་མེད།། དུས་གསུམ་སངས་རྒྱས་དགོངས་པ་དང་།། བདེ་གཤེགས་རྣམས་ཀྱི་མཁྱེན
iiif viewer powered by OpenSeadragon
