| e-texts navigator |
| Wylie |
114b1 དམ་ཚིག་ཅེས་སུ་བཏགས།། ལྷུན་གྱིས་གྲུབ་པའི་དམ་ཚིག་ནི།། ཐམས་ཅད་རང་དུ་འདུག་ཙམ་ན།། ཡུལ་གཞན་མེད་པས་མཐའ་མི་དམིགས།། མཐའ་བྲལ་ཆོས་ཉིད་ཕྱོགས་མེད་དེར།། བསྲུང་དུ་ཡོད་ཀྱང་དེ་རུ
114b2 འདུས།། བསྲུང་དུ་མེད་ཀྱང་དེ་རུ་འདུས།། ཉམས་དང་མ་ཉམས་སྐྱོན་ཡོན་ཀྱང་།། དེ་རུ་འདུས་པས་ལྷུན་གྱིས་གྲུབ།། དེ་ལས་མི་འདའ་དམ་ཚིག་མཆོག། དུས་གསུམ་དེ་དང་མི་འབྲལ་བས།། ཐ་ཚིག་མིང་དུ
114b3 བཏགས་པ་མེད།། ཆོས་ལ་སྐྱོན་ཡོན་རིས་མེད་ཀྱང་།། གང་ཟག་བློ་ལ་འཛིན་པ་བྱུང་།། དེ་ཕྱིར་བསླབ་པ་སྣ་ཚོགས་ཀྱང་།། གཟུང་འཛིན་གཉེན་པོར་གསུངས་པ་ཡིན།། ལུས་ཀྱིས་བསྲུང་བར་བྱ་བ་ནི།། མན་ངག།
114b4 སྟོན་པའི་བླ་མ་དང་།། རྡོ་རྗེ་སྤུན་ལ་བརྙས་མི་བྱ།། ངག་གིས་བསྲུང་བར་བྱ་བ་ནི།། མི་སྙན་ཟུར་ཡང་མི་བརྗོད་ཅིང་།། བྲེ་མོའི་གཏམ་ཡང་སྤང་བར་གསུངས།། ཡིད་ཀྱིས་བསྲུང་བར་བྱ་བ་ནི།། ཆགས་སྡང་ངན
114b5 སེམས་ཕྲག་དོག་རྒྱུ།། སྐད་ཅིག་ཙམ་ཡང་མི་བྱ་ཞིང་།། མཉེས་པ་རྣམ་པ་སྣ་ཚོགས་ཀྱིས།། རབ་ཏུ་དགུས་པའི་མཆོད་པ་དབུལ།། རྩ་བ་ཡན་ལག་དམ་ཚིག་ཀྱང་།། གསང་སྔགས་ཐུན་མོང་གཞུང་དག་ཏུ།། རྒྱལ་བས
114b6 གསུངས་པ་བཞིན་དུ་གསལ།། ཨ་ཏི་ཡེ་བསྲུངས་ཆེན་པོ་འདི།། བསྲུང་ཡང་སྐྱོན་མེད་རང་གི་རྒྱན།། མ་བསྲུངས་སྐྱོན་བྲལ་འདའ་བ་མེད།། འདའ་ཉམས་མེད་པས་བསྲུང་མཚམས་བྲལ།། མུ་མཐའ་མེད་པར་ཡེ་ནས
iiif viewer powered by OpenSeadragon
