| e-texts navigator |
| Wylie |
114a1 དེ་ནི།། འཁོར་འདས་ཀུན་གྱི་དངོས་གཞིའམ།། འབྱུང་གནས་དག་ཏུ་གྱུར་པ་དེ།། རང་དབང་རང་གིས་ཐོབ་པའི་དུས།། ཐམས་ཅད་མ་ལུས་བྱང་ཆུབ་སེམས།། རང་གི་ཆོ་འཕྲུལ་ཡིན་པས་ན།། འཁོར
114a2 བ་དག་ལ་ཉམ་ང་མེད།། དེ་ལས་མི་འདའ་དམ་ཚིག་ཡིན།། དེ་ཡི་དོན་ལ་གནས་པའི་ཕྱིར།། ཇི་ལྟར་མཐོང་ཞིང་ཇི་ལྟར་གྲག། ཇི་ལྟར་བཏགས་ཤིང་ཇི་ལྟར་ཆགས།། ཇི་ལྟར་བསྒོམས་ཤིང་ཇི་ལྟར་བསྒྲུབས།། གང
114a3 ལྟར་གནས་ཤིང་འདུག་ན་ཡང་།། དེ་ཡི་དོན་ལས་མི་འདའ་བས།། དམ་ཚིག་ཅེས་སུ་བཏགས་པ་ཡིན།། མེད་པ་དང་ནི་ཕྱལ་པ་དང་།། གཅིག་པུ་དང་ནི་ལྷུན་གྱིས་གྲུབ།། མེད་པའི་དམ་ཚིག་ཅེས་བྱ་བ།། ཡུལ་དང
114a4 ཡུལ་ཅན་མེད་པ་ལ།། བསྲུང་དང་བསྲུང་མཚམས་མེད་པ་ཡིན།། ཕྱལ་པ་དག་གི་དམ་ཚིག་ནི།། བསྲུང་མཚམས་མེད་པའི་རང་བཞིན་གྱིས།། དགེ་དང་མི་དགེའི་རྟོག་མེད་དེ།། ཉམས་པ་དག་གི་སྐྱོན་དང་ནི།། མ
114a5 ཉམས་པ་ཡི་ཡོན་ཏན་མེད།། སྐྱོན་ཡོན་མེད་པས་ཕྱལ་པ་ཡིན།། གཅིག་པུ་དག་གི་དམ་ཚིག་ནི།། ཉམས་དང་མ་ཉམས་མེད་པའི་ཕྱིར།། སྐྱོན་དང་ཡོན་ཏན་གཉིས་སུ་མེད།། ཐམས་ཅད་རང་དུ་གཅིག་པས
114a6 ན།། བསྲུང་བྱ་ཡུལ་ཡང་གཅིག་པུ་རང་།། བསྲུང་བའི་བདག་ཀྱང་གཅིག་པུ་རང་།། ཉམས་པའི་སྐྱོན་ཀྱང་གཅིག་པུ་རང་།། མ་ཉམས་ཡོན་ཏན་གཅིག་པུ་རང་།། ཐམས་ཅད་རང་ལས་མི་འདའ་བས།། གཅིག་པུའི
iiif viewer powered by OpenSeadragon
