| e-texts navigator |
| Wylie |
113a1 མེད།། ཆོས་རྣམས་ཐམས་ཅད་དེ་བཞིན་གཤེགས།། མཉམ་པའི་ངང་ལས་མ་གཡོས་ཀྱང་།། ཕྱི་ནང་གསང་བ་གསུམ་གྱི་ཚུལ།། དཀྱིལ་འཁོར་རྫས་ལ་བརྟེན་ནས་ནི།། དབང་རྫས་རྣམས་ཀྱིས་དབང
113a2 བསྐུར་ནས།། བདེ་ཆེན་བྱང་ཆུབ་སེམས་སྐྱེ་སྟེ།། གསང་སྔགས་དོན་ལས་ཕྱིར་མི་ལྡོག། ཕྱི་ཡི་དབང་ཞེས་གྲགས་པ་ཡིན།། ནང་གི་དབང་དུ་བསྟན་པ་ཡང་།། ཐ་མལ་ལུས་ལས་ལྷར་བསྒྱུར་ཏེ།། བདག་རང་ལུས་ལ
113a3 ལྷ་དབང་ཐོབ།། བསྒོམས་པས་ལྷ་རུ་གསལ་བའི་ཚེ།། བདག་ཏུ་འཛིན་པའི་ལུས་མི་གནས།། ལུས་ལ་ལྷ་རུ་དབང་བསྐུར་བས།། དབང་ཡོད་པ་ལ་དོན་འབྱིན་ཏེ།། སློབ་དཔོན་གྱིས་ནི་དབང་བསྐུར་བས།། ཤེས
113a4 བཞིན་ཉམས་ལེན་བརྟན་པ་ལ།། ཐོབ་པ་ཞེས་སུ་བཤད་པ་ཡིན།། དབང་ཞེས་བྱ་བའི་དངོས་གཞི་ནི།། གཞན་ན་ཡོད་པ་མ་ཡིན་ཏེ།། རིག་པའི་ཡེ་ཤེས་རང་ལ་གནས།། ཉོན་མོངས་དབང་དུ་མི་འགྱུར་ཏེ།། བདག།
113a5 ལ་ཡོད་པས་དབང་ཞེས་བྱ།། གཞན་མི་དབང་བས་དབང་ཞེས་བྱ།། རང་ཉིད་དབང་བའི་ཕྱིར་ན་དབང་།། གསང་དབང་ཞེས་སུ་གྲགས་པ་ཡང་།། རང་བཞིན་ཤུགས་ཀྱིས་ཐོབ་པ་སྟེ།། བདག་ལུས་ལྷ་རུ་གསལ་ཙམ
113a6 ན།། བདག་འཛིན་ངང་གིས་མི་གནས་ཏེ།། ཡེ་ཤེས་རང་དབང་དཀྱིལ་འཁོར་རྫོགས།། རང་རིག་ཡེ་ཤེས་རང་དབང་སྒྱུར།། ཡོན་ཏན་མི་ཟད་ནོར་བུའི་གཏེར།། སྐུ་གསུང་ཐུགས་ཀྱི་འཁོར་ལོ་ལ།། དབང་བསྒྱུར་བས
iiif viewer powered by OpenSeadragon
