| e-texts navigator |
| Wylie |
112b1 གྲོལ།། རང་ཤར་རང་གྲོལ་རིག་པ་རང་གི་རྩལ།། འཕྲིན་ལས་རིག་པ་རང་རྩལ་དག་གི་དབང་།། ཡེ་ནས་ཐོབ་པས་བསྐུར་མི་དགོས།། ཤར་དང་མ་ཤར་དབྱིངས་ལ་མེད།། གྲོལ་དང་མ་གྲོལ་དབྱིངས་ལ་མེད།། ཤར
112b2 བའི་དུས་ན་རང་ལ་ཤར།། རང་ཤར་རང་གིས་རང་སར་ཟིན།། གནས་པའི་དུས་ན་རང་ལ་གནས།། རང་གནས་རང་གིས་རང་ས་ཟིན།། གྲོལ་བའི་དུས་ན་རང་དུ་གྲོལ།། རང་གྲོལ་རང་གིས་རང་ས་ཟིན།། ཤར་བར
112b3 གནས་ཤིང་གནས་པར་གྲོལ།། གྲོལ་པར་ཤར་བས་རྒྱུན་ཆད་མེད།། རྒྱུན་ཆད་མེད་པས་རྒྱུ་འབྲས་མེད།། རྒྱུ་འབྲས་མེད་པས་བར་མ་ཆད།། བར་ཆད་མེད་པའི་ཆོས་ཉིད་ལ།། འཁོར་བའི་གཡང་ས་གཅད་དུ
112b4 མེད།། གཡང་ས་བྲལ་བས་ལུས་མི་ལེན།། ལུས་མེད་གོལ་སར་ག་ལ་ལྟུང་།། དུས་གསུམ་འཕོ་འགྱུར་མེད་པ་དེ།། ཡེ་ནས་ཀུན་ཏུ་བཟང་པོའི་ཀློང་།། ཡེ་ནས་སྐྱེ་ཤི་མེད་པ་དེ།། རྡོ་རྗེ་སེམས་དཔའ་ཉིད་ཀྱི
112b5 ངདང་།། རིག་པ་རང་དབང་བསྒྱུར་བ་ལ།། དོན་གྱི་དབང་ཞེས་བཏགས་པ་ཡིན།། རང་ཞལ་རང་གིས་མཐོང་བ་ལ།། སངས་རྒྱས་ཞེས་སུ་བཏགས་པར་བཤད།། ཅེས་གསུངས་སོ།། ཀློང་ཆེན་རབ་འབྱམས་རྒྱལ་པོའི
112b6 རྒྱུད་ལས། དབང་ཡེ་ནས་ཐོབ་པར་བསྟན་པའི་ལེའུ་སྟེ་སུམ་ཅུ་རྩ་དྲུག་པའོ།། །། དེ་ནས་ཡང་ཉིད་ཀྱི་རང་བཞིན་ལས་མི་གཞན་པའི་འཁོར་རྣམས་ལ་སྟོན་པས་བཀའ་སྩལ་པ། བྱང་ཆུབ་སེམས་ལ་བཟང་ངན
iiif viewer powered by OpenSeadragon
