| e-texts navigator |
| Wylie |
112a1 སུ་མེད་པའི་ཕྱིར།། ཐིག་ལེའི་ངང་ལ་དབྱེར་མི་བྱེད།། སེམས་ཅན་རྣམ་རྟོག་མཚན་མ་ལ།། སངས་རྒྱས་ཡེ་ཤེས་སྤྱི་བླུགས་གནས།། གཉིས་མེད་རིག་པ་རང་གི་རྩལ།། འཁོར་འདས་དབྱེ་རུ་མེད་པའི
112a2 ཕྱིར།། མཉམ་པའི་དོན་ལས་འདའ་བ་མེད།། དམ་ཚིག་རིག་པ་རང་གི་རྩལ།། མཉམ་ཉིད་དགོངས་པ་ཕྱོགས་མེད་ལ།། དངོས་དང་དངོས་མེད་མཉམ་པར་འཆར།། རྟོག་པ་རིག་པ་རང་གི་རྩལ།། སངས་རྒྱས་སེམས
112a3 ཅན་དབྱིངས་སུ་མཉམ།། ཀུན་རྫོབ་དོན་དམ་དབྱིངས་སུ་མཉམ།། སྐྱོན་དང་ཡོན་ཏན་དབྱིངས་སུ་མཉམ།། མཐོ་དམན་ཕྱོགས་མཚམས་དབྱིངས་སུ་མཉམ།། མཉམ་པའི་དོན་ལ་གཡོས་པ་མེད།། ཉམས་མྱོང་རིག་པ
112a4 རང་གི་རྩལ།། ཡེ་ནས་ཐོབ་པས་བསྐུར་མི་དགོས།། ཤར་བའི་དུས་ན་མཉམ་པར་ཤར།། བཟང་ངན་མེད་པ་རིག་པའི་རྩལ།། གནས་པའི་ཚེ་ན་མཉམ་པར་གནས།། བཟང་ངན་མེད་པ་རིག་པའི་རྩལ།། གྲོལ་བའི་ཚེ
112a5 ན་མཉམ་པར་གྲོལ།། བཟང་ངན་མེད་པ་རིག་པའི་རྩལ།། ཉོན་མོངས་ལས་ཀྱིས་མི་བརྫི་བས།། ཕྲིན་ལས་རིག་པ་རང་རྩལ་དབང་།། ཡེ་ནས་ཐོབ་པས་བསྐུར་མི་དགོས།། མི་མཉམ་ཤར་ཡང་མཉམ་པའི
112a6 དབྱིངས།། མཉམ་དང་མི་མཉམ་མེད་པར་ཤར།། མི་མཉམ་གནས་ཀྱང་མཉམ་པའི་དབྱིངས།། མཉམ་དང་མི་མཉམ་མེད་པར་གནས།། མི་མཉམ་གྲོལ་ཡང་མཉམ་པའི་དབྱིངས།། མཉམ་དང་མི་མཉམ་མེད་པར
iiif viewer powered by OpenSeadragon
