| e-texts navigator |
| Wylie |
111b1 མེད་སེམས་ཀྱིས་བསྒོམ་པ་མཐོང་།། མཚན་མའི་ཡུལ་དང་བྲལ་བ་དེ།། རིག་པ་སྤྱི་བླུགས་བསྒོམ་པ་ཡིན།། རང་རིག་བསྒོམ་པ་རྩལ་གྱི་དབང་།། ཉོན་མོངས་ལས་ཀྱིས་མི་བརྫི་བ།། ཡེ་ནས་ཐོབ་པས་བསྐུར་མི
111b2 དགོས།། བསྒོམ་པ་རང་དབང་གྱུར་པ་ཡིན།། ཡང་སྤྱོད་ཡང་སྤྱོད་སེམས་ལ་སྤྱོད།། སྤྱད་མེད་སེམས་ཀྱི་སྤྱོད་པ་མཐོང་།། བླང་དོར་མཐའ་ལས་གྲོལ་བ་ནི།། རིག་པ་སྤྱི་བླུགས་སྤྱོད་པ་ཡིན།། རང་རིག་སྤྱོད་པ་རྩལ་གྱི
111b3 དབང་།། ཉོན་མོངས་ལས་ཀྱིས་མི་བརྫི་བ།། ཡེ་ནས་རྫོགས་པས་བསྐུར་མི་དགོས།། སྤྱོད་པ་རང་དབང་གྱུར་པ་ཡིན།། ཡང་སྒྲུབས་ཡང་སྒྲུབས་སེམས་ལ་སྒྲུབས།། བསྒྲུབ་མེད་སེམས་ཀྱི་འབྲས་བུ་མཐོང་།། རེ
111b4 དོགས་མཐའ་ལས་གྲོལ་བ་ནི།། རིག་པ་སྤྱི་བླུགས་འབྲས་བུ་ཡིན།། རང་རིག་འབྲས་བུ་རྩལ་གྱི་དབང་།། ཉོན་མོངས་ལས་ཀྱིས་མི་བརྫིབ།། ཡེ་ནས་ཐོབ་པས་བསྐུར་མི་དགོས།། འབྲས་བུ་རང་དབང་གྱུར་པའི
111b5 ཕྱིར།། དེས་ན་ཆོས་ཉིད་མཉམ་པ་ཉིད།། ཡུལ་དང་ཡུལ་ཅན་མེད་པའི་ཕྱིར།། བདག་དང་གཞན་དུ་མི་འཛིན་པས།། རིག་པ་རང་དབང་གྱུར་པ་ཡིས།། མཉམ་པའི་ཀློང་དུ་ངང་གིས་གནས།། དེ་ལ་རིག་པའི་འཆར
111b6 ལུགས་ནི།། ཕྱི་ནང་ཀུན་ཏུ་རང་ཤར་བས།། རང་དབང་རང་གིས་ཐོབ་པའི་ཕྱིར།། མཉམ་པའི་ངང་ལས་གཡོས་པ་མེད།། མཚན་མའི་ཡུལ་ལ་མི་གནས་པས།། ཡུལ་མེད་རིག་པ་སྤྱི་བླུགས་གནས།། ཡེ་ནས་གཉིས
iiif viewer powered by OpenSeadragon
