| e-texts navigator |
| Wylie |
110b1 ཀྱི་སྒོ་ནས་ཅིར་བརྗོད་ཀྱང་།། གྲངས་ལ་ཐུག་པ་མེད་པའི་ཕྱིར།། ཆོས་ཉིད་རང་ལ་རང་གིས་བགྲངས།། ཇི་ལྟར་སྣང་ཞིང་སྲིད་པའི་ཆོས།། རང་སྣང་ཡིན་ཕྱིར་གཞན་མ་བལྟ།། ཐག་ཆོད་དང་ལ་བློ་བདེར
110b2 གནས།། རང་གིས་རང་ལ་ལུས་ལེན་ནམ།། རང་གིས་རང་ལ་སྐྱེ་བ་དང་།། རང་གིས་རང་ལ་འཆི་བ་དང་།། རང་གིས་རང་ལ་ཕན་འདོགས་དང་།། རང་གིས་རང་ལ་གནོད་པ་དང་།། སྐྱེ་ཤི་གཉིས་པོ་སུ་ཡིས
110b3 བྱས།། ཕན་གནོད་གཉིས་པོ་གང་ལས་བྱུང་།། རང་སྣང་གཅིག་ཏུ་ཐག་ཆོད་ལ།། བྱ་བྲལ་ངང་ལ་བློ་བདེར་གནས།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། དགོངས་པ་ཐག་ཆོད་ཀྱི་ལེའུ་སྟེ
110b4 སུམ་ཅུ་རྩ་ལྔ་པའོ།། །། དེ་ནས་ཡང་བཅོམ་ལྡན་འདས་ཀྱིས་འཁོར་དེ་དག་ལ་བཀའ་སྩལ་པ། ཇི་བཞིན་རང་སར་བཞག་པ་ཡིས།། རིག་པ་ནམ་མཁའ་ལྟ་བུ་ལ།། འཕོ་འགྱུར་མེད་པའི་དོན་ཤར་བས།། དེ
110b5 ལ་ཡེངས་དང་མ་ཡེངས་མེད།། ཇི་ལྟར་བྱས་ཀྱང་དེ་ཡི་ཀློང་།། འདུ་འབྲལ་མེད་པའི་དབྱིངས་མཆོག་འདི།། མཐའ་མེད་རབ་ཏུ་འབྱམས་པའི་ཕྱིར།། ཚིག་གིས་མཚོན་པའི་སྤྱོད་ཡུལ་མིན།། ཤེས་རབ་ཀློང་ནས་རྡོལ
110b6 བ་དང་།། རིག་པ་རང་ལ་ཤར་བ་ཡི།། སྐལ་ལྡན་རྣམས་ཀྱི་སྤྱོད་ཡུལ་ཡིན།། ཐུན་མོང་འཇུར་སེམས་མེད་པ་དང་།། སྒྲར་མེད་ཀློང་དུ་བསྟིམས་པ་ཡི།། རྣལ་འབྱོར་རྣམས་ཀྱི་སྤྱོད་ཡུལ་ཏེ།། ཡང་རབ་རྟོགས་པའི་བློ
iiif viewer powered by OpenSeadragon
