| e-texts navigator |
| Wylie |
110a1 ཕྱིར།། རང་བྱུང་ཡེ་ཤེས་མཚོན་ཆ་ཡིས།། འཆིང་བ་གཉིས་པོ་གཅད་པ་དང་།། ཕྱི་རོལ་སྒྲ་དང་ཚད་མ་ཡིས།། བཤིག་ཏུ་མེད་པ་རྡོ་རྗེའི་མཁར།། སྐྱེ་ཤི་མེད་པ་རང་བྱུང་ཡིས།། བདུད་བཞི་ཟིལ་གྱིས
110a2 གནོན་པ་དང་།། འཕོ་འགྱུར་མེད་པའི་དགོངས་པ་ཡིས།། འགྲོ་དྲུག་གྲོང་ཁྱེར་གཏན་ནས་བཅོམ།། རང་བཞིན་གཅིག་པའི་ཆོས་ཉིད་ཀྱིས།། ཕྱི་ནང་བར་གསུམ་བསྲེ་བ་དང་།། མཐའ་ཡི་མུན་པ་རྩད་ནས་བཅད།། ཐེ
110a3 ཚོམ་ཡོད་མེད་གཉིས་སྣང་སེམས།། བྱ་བྲལ་དོན་ལ་གཉིས་སྣང་མེད།། དབྱེར་མེད་དང་ལ་བློ་བདེར་གནས།། རྩོལ་བསྒྲུབ་ཡོད་མེད་རེ་དོགས་སེམས།། བྱ་བྲལ་དབྱིངས་ལ་རེ་དོགས་མེད།། མཉམ་ཉིད་ངང་ལ་བློ།
110a4 བདེར་གནས།། འཆིང་གྲོལ་ཡོད་མེད་དགག་སྒྲུབ་སེམས།། བདེ་ཆེན་སེམས་ལ་དགག་བསྒྲུབ་མེད།། མཉམ་ཉིད་དོན་ལ་བློ་བདེར་གནས།། འཁོར་འདས་ཡོད་མེད་གཟུང་འཛིན་སེམས།། ཐིག་ལེ་གཅིག་ལ་དབྱེ་བ
110a5 མེད།། མ་བཅོས་དོན་ལ་བློ་བདེར་གནས།། བསྒྲུབ་ཏུ་ཡོད་མེད་རྣམ་རྟོག་སེམས།། བསྒྲུབས་པས་གཞན་ནས་དོན་མི་རྙེད།། བྱ་བྲལ་དང་ལ་བློ་བདེར་གནས།། མཚོན་དུ་ཡོད་མེད་ཕྱི་ནང་སེམས།། སྒྲ་བརྗོད་ཀུན
110a6 ལས་འདས་པའི་ཕྱིར།། ཐ་སྙད་བྲལ་ལ་བློ་བདེར་གནས།། གང་ནས་བཙལ་ཀྱང་ཆོས་ཉིད་རང་།། མིང་གི་སྒོ་ནས་ཅིར་བཏགས་ཀྱང་།། མིང་ལ་ངེས་པ་མེད་པའི་ཕྱིར།། ཆོས་ཉིད་རང་ལ་རང་གིས་བཏགས།། གྲངས
iiif viewer powered by OpenSeadragon
