| e-texts navigator |
| Wylie |
109b1 བརྗོད་པ། སྙིང་པོ་བྱང་ཆུབ་དེ་མཐོང་བས།། སངས་རྒྱས་ཐམས་ཅད་དུས་གཅིག་མཐོང་།། སྨོན་ལམ་དག་པས་མཐོང་བ་ཡིན།། རང་སེམས་དག་པས་མཐོང་བ་ཡིན།། རང་སེམས་རྣམ་དག་དྲི་མེད་དེ།། བཀྲུས་པས
109b2 དག་པ་མ་ཡིན་ཏེ།། ཕྱོགས་འཛིན་མེད་པས་དག་པ་ཡིན།། ཕྱོགས་མེད་ལྷུན་གྲུབ་ཆེན་པོ་དེ།། བཙལ་ཞིང་བསྒྲུབས་པས་འགྲུབ་པ་མིན།། ཡེ་ནས་གནས་པས་འགྲུབ་པ་ཡིན།། ཡེ་གྲུབ་ཆོས་ཉིད་འགྱུར་མེད་དེ།། རྒྱུ
109b3 རྐྱེན་གཉིས་ལས་བྱུང་བ་མིན།། ཤེས་བྱ་རང་གི་བབས་སུ་གནས།། རང་བྱུང་ཡེ་ཤེས་རྒྱལ་བའི་མེས། ཁམས་གསུམ་སེམ་ཅན་ཀུན་གྱི་ཡབ།། དུས་གསུམ་རྒྱལ་བ་རྣམས་ཀྱི་ཡུམ།། རྣལ་འབྱོར་ལམ་མཆོག་འབྱུང་བའི
109b4 གཏེར།། ཐེག་ཆེན་ས་ལ་བགྲོད་པའི་གཞི།། འཆིང་བའི་ཞགས་པ་གཅོད་པའི་མཚོན།། ཉོན་མོངས་ཕྲེང་ཟག་གཅོད་པའི་གྲི།། འཇིག་ཚོགས་དགྲ་ལ་འབྲོས་པའི་མཁར།། སོ་མཚམས་བདུད་བཞི་སྲུང་བའི
109b5 མི།། འགྲོ་དྲུག་གྲོང་ཁྱེར་འཇོམས་པའི་དམག། གསང་བའི་དགྲ་གསུམ་གསོད་པའི་གྲི། རང་སེམས་བྱ་བྲལ་ཀུན་བཟང་དེ།། ཀུན་གྱིས་སྤྱི་མེས་འཕོ་འགྱུར་མེད།། ཁམས་གསུམ་སེམས་ཅན་དེ་ལས་བསྐྱེད།། སྐྱེ་མེད
109b6 ཀུན་ཏུ་བཟང་མོའི་དབྱིངས།། དུས་གསུམ་རྒྱལ་བ་དེ་ལས་འབྱུང་།། རྣལ་འབྱོར་རྣམ་ལྔའི་དགོངས་པ་ཡང་།། ཉག་གཅིག་དེ་ཡི་ཀློང་ནས་ཤར།། ཐེག་ཆེན་དབྱེ་བ་མེད་པའི་ས།། མ་བགྲོད་ཡེ་ནས་ནོན་པའི
iiif viewer powered by OpenSeadragon
