| e-texts navigator |
| Wylie |
108a1 ས་རུ་མཐོང་།། ལ་ལས་འཁོར་བའི་གནས་སུ་མཐོང་།། ལ་ལས་ལམ་གྱི་གེགས་སུ་མཐོང་།། ལ་ལས་ལམ་སྣ་འདྲེན་པར་མཐོང་།། ལ་ལས་ཉོན་མོངས་དུག་ཏུ་མཐོང་།། ལ་ལས་ཡེ་ཤེས་བདུད་རྩར
108a2 མཐོང་།། གང་མཐོང་ཅིར་སྣང་ཅིར་གསལ་ཡང་།། གཏེར་ཆེན་ཡིན་པས་འདོད་དགུར་བསྒྱུར།། སྣ་ཚོགས་ནོར་བུ་ཇི་བཞིན་དུ།། རྐྱེན་གྱིས་ཅིར་ཡང་འཆར་བའི་ཕྱིར།། འདོད་དགུར་འབྱུང་བའི་རིན་པོ་ཆེ།། སེམས
108a3 ནི་རིན་པོ་ཆེ་ལ་གནས།། ཡུལ་ནི་དེ་ཡི་འབྱུང་བའི་རྐྱེན།། གཉིས་སུ་མེད་པ་འབྲས་བུའི་ཀློང་།། ཡུལ་མེད་ཡུལ་ལ་མ་རྟོགས་ཤིག། གཏན་དུ་མེད་པ་མ་ཡིན་ཏེ།། སེམས་ལས་མ་གཏོགས་ཡུལ་གཞན་མེད།། སེམས
108a4 མེད་སེམས་སུ་མ་འཛིན་ཅིག། གཏན་དུ་མེད་པ་མ་ཡིན་ཏེ།། རང་རིག་འཛིན་མེད་སྤྲོས་དང་བྲལ།། དེ་ལ་ཡུལ་དུ་གཟུང་དུ་མེད།། དེ་ལ་སེམས་སུ་གཟུང་དུ་མེད།། བརྟགས་པས་ཡུལ་སེམས་གཉིས་ལ
108a5 འདུས།། འཛིན་མེད་རང་ཤར་ཀློང་ཆེན་འདིར།། ཡུལ་ཡང་མེད་དེ་ཆོས་ཀྱི་དབྱིངས།། སེམས་ཀྱང་མེད་དེ་ཆོས་ཀྱི་སྐུ།། གཏན་ཡུལ་ཆེན་པོ་ཉམས་དགའི་ཀློང་།། བདེ་ཆེན་ཆོས་སྐུ་ཀློང་བདེའི་མཁར།། རང་བྱུང་ཡེ
108a6 ཤེས་དེ་ཡི་བདག། སངས་རྒྱས་སེམས་ཅན་དེ་ཡི་འཁོར།། ཐམས་ཅད་ཀུན་ལ་དབང་བསྒྱུར་བས།། རང་སེམས་པར་མེད་དབྱིངས་ཀྱི་རྒྱལ།། མ་འདྲེས་ཡོངས་རྫོགས་དེ་ཡི་བྲན།། ཐམས་ཅད་ཐམས་ཅད་དེར་འདུས
iiif viewer powered by OpenSeadragon
