| e-texts navigator |
| Wylie |
107a1 དང་གཉེན་པོ་གཉིས།། རང་གི་མཚན་ཉིད་རང་གིས་འཛིན།། གཉིས་ཀ་རིག་པ་རང་གི་སྟོབས།། ཡིན་མིན་མེད་པའི་ཆོས་ཉིད་ལ།། རྟོགས་པའི་ཀློང་དང་མ་རྟོགས་སེམས།། རང་གིས་མཚན་ཉིད་སོ
107a2 སོར་འཛིན།། གཉིས་ཀ་རིག་པ་རང་གི་སྟོབས།། གཞི་རྩ་གཅིག་པའི་ཆོས་འདི་ལ།། རྣམ་གྲངས་བརྒྱ་སྟོང་ཕྲག་ལས་ཀྱང་།། རང་རང་མཚན་ཉིད་རང་གིས་འཛིན།། སྣང་བ་ཐམས་ཅད་རང་སྣང་ལ།། ཤར་བ་ཐམས
107a3 ཅད་རང་ཤར་བས།། ཐམས་ཅད་རིག་པ་རང་གི་སྟོབས།། འཕྲལ་དུ་མི་བདེན་གང་ཡང་མེད།། དབྱིངས་ཀྱི་ཀློང་ན་བདེན་རྫུན་མེད།། གནས་སྐབས་འབྲས་བུ་འབྱིན་པའི་ཕྱིར། བདེན་པར་མ་གྱུར་ཅི་ཡང
107a4 མེད།། བྱ་བྲལ་དབྱིངས་སུ་སྟོར་བའི་ཕྱིར།། རྫུན་པར་མ་གྱུར་གཅིག་ཀྱང་མེད།། བདེན་རྫུན་མེད་པའི་ཀློང་ཆེན་དེ།། འདས་པའི་སངས་རྒྱས་ཀུན་གྱི་གནས།། མ་འོངས་སངས་རྒྱས་ཀུན་གྱི་རྟེན།། ད་ལྟར་བཞུགས
107a5 པ་ཀུན་གྱི་གཞི།། ཐོག་མཐའ་མེད་པའི་གཞལ་ཡས་ཁང་།། ཁམས་གསུམ་སེམས་ཅན་ཀུན་གྱི་ལམ།། འགྲོ་དྲུག་འབྱུང་བའི་ལམ་པོ་ཆེ།། དབྱིངས་ལས་འཕོས་མེད་པའི་ཕྱིར།། མཐའ་ཡས་གནས་པའི་ཡུལ་པོ
107a6 ཆེ།། ཀློང་ལས་འགྱུར་བ་མེད་པའི་ཕྱིར།། ཐམས་ཅད་སྡུད་པའི་དུར་པོ་ཆེ།། སེམས་ཉིད་དུར་ཁྲོད་ཉམས་དགའི་ཀློང་།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། རིག་པ་རང་སྟོབས་ཀྱི་ལེའུ
iiif viewer powered by OpenSeadragon
