| e-texts navigator |
| Wylie |
106a1 མཚན་ཉིད་རང་རང་སོ་སོར་འཛིན།། མཚན་ཉིད་འཛིན་པས་ཆོས་ཞེས་བཏགས།། ཡང་དག་དོན་ལ་མེད་མོད་ཀྱང་།། ཕྱིན་ཅི་ལོག་དང་མ་ལོག་པ།། རང་གི་མཚན་ཉིད་རང་གིས་འཛིན།། དེ་ཡང་རང
106a2 སྣང་གཅིག་གི་སྟོབས།། ཡོན་ཏན་གཅིག་ལས་ཤར་བ་ལ།། སྐུ་དང་གསུང་དང་ཐུགས་ཀྱི་རྟགས།། རང་གི་མཚན་ཉིད་རང་གིས་འཛིན།། དེ་ཡང་རང་སྣང་གཅིག་གི་སྟོབས།། ལ་ལ་ཞེ་སྡང་བྱང་ཆུབ་སེམས།། ལ་ལ
106a3 གཏི་མུག་བྱང་ཆུབ་སེམས།། ལ་ལ་ང་རྒྱལ་བྱང་ཆུབ་སེམས།། ལ་ལ་འདོད་ཆགས་བྱང་ཆུབ་སེམས།། ལ་ལ་ཕྲག་དོག་བྱང་ཆུབ་སེམས།། རང་བྱུང་གཅིག་ལས་མ་གཡོས་པས།། རང་གི་མཚན་ཉིད་རང་གིས
106a4 འཛིན།། དེ་ཡང་རང་སྣང་གཅིག་གི་སྟོབས།། མཚན་མའི་ཡུལ་དང་བྲལ་བ་ལ།། གཟུགས་དང་ཚོར་བ་འདུ་ཤེས་དང་།། འདུ་བྱེད་རྣམ་ཤེས་ཕུང་པོ་ལྔ།། ལས་ལྔ་བྱེད་པའི་རང་ཞིན་གྱིས།། རང་གི་མཚན་ཉིད་རང
106a5 གིས་འཛིན།། དེ་ཡང་རིག་པ་རང་གི་སྟོབས།། སྣང་བ་རང་སར་དག་པ་ལ།། ས་དང་ཆུ་དང་མེ་དང་རླུང་།། ནམ་མཁའ་ལ་སོགས་འབྱུང་བ་ལྔ།། རང་གི་མཚན་ཉིད་རང་གིས་འཛིན།། དེ་ཡང་རིག་པ་རང་གི
106a6 སྟོབས།། ཆོས་ཉིད་འཛིན་པ་ཀུན་བྲལ་ལ།། གཟུགས་དང་སྒྲ་དང་དྲི་དང་རོ།། རེག་ལ་སོགས་པའི་འདོད་ཡོན་ལྔ།། རང་གི་མཚན་ཉིད་རང་གིས་འཛིན།། དེ་ཡང་རང་སྣང་གཅིག་གི་སྟོབས།། རང་རིག་གཅིག་ལས
iiif viewer powered by OpenSeadragon
