| e-texts navigator |
| Wylie |
105b1 གཉིས།། དེས་ན་གཉིས་འདུས་ཐམས་ཅད་ཀུན།། སྐྱེ་མེད་འགག་མེད་རང་ལས་ཤར།། སྐྱེ་བ་མེད་ལས་ཐམས་ཅད་སྐྱེས།། འགག་པ་མེད་ལས་ཐམས་ཅད་འགགས།། སྐྱེས་ཙམ་ཉིད་ནས་མ་སྐྱེས་ལ།། འགགས་ཙམ
105b2 ཉིད་ན་མི་འགག་ཏེ།། སྐྱེ་ཡང་སྐྱེ་མེད་ཀློང་ལས་སྐྱེས།། སྐྱེ་མེད་དབྱིངས་ལ་སྐྱེ་རྒྱུ་མེད།། འགགས་ཀྱང་འགག་མེད་ཀློང་དུ་འགགས།། འཆི་མེད་དབྱིངས་ལ་འགག་རྒྱུ་མེད།། སྐྱེ་འགག་མེད་པའི་རིག་པ་དེ།། ཆོ
105b3 འཕྲུལ་ཅིར་ཡང་མ་ངེས་པས།། རང་བྱུང་ཡེ་ཤེས་མཐའ་ལས་རྒྱལ།། རྒྱལ་བའི་སྐུ་སྟེ་སྐྱེ་ཤི་མེད།། འཁོར་བའི་གཡུལ་ངོ་ཀུན་ལས་རྒྱལ།། རྒྱལ་བའི་སྐུ་སྟེ་ཡེ་སངས་རྒྱས།། ཐེག་པའི་རྣམ་གྲངས་ཀུན་ལས
105b4 རྒྱལ།། རྒྱལ་བའི་སྐུ་སྟེ་མཐོ་དམན་མེད།། འཁོར་འདས་སྐྱོན་ཡོན་ཀུན་ལས་རྒྱལ།། རྒྱལ་བའི་སྐུ་སྟེ་མཉམ་པ་ཉིད།། མཉམ་པ་རིས་མེད་སེམས་ཀྱི་ཀློང་།། སྐྱེ་མེད་འགག་མེད་སྣ་ཚོགས་སྣང་།། སྣང་མེད་བརྗོད་མེད
105b5 ཅིར་ཡང་འཆར།། ཤར་བ་རང་ཤར་ཡིན་པ་དང་།། གྲོལ་བ་རང་གྲོལ་ཡིན་པའི་ཕྱིར།། ཡུལ་མེད་རིག་པས་གཅིག་པུ་ཉིད།། ཅེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། བྱང་ཆུབ་སེམས་ཀྱི
105b6 མཚན་ཉིད་ལ་སྐྱེ་འགག་མེད་པར་བསྟན་པའི་ལེའུ་སྟེ་སུམ་ཅུ་རྩ་གཉིས་པའོ།། །། དེ་ནས་ཡང་སྟོན་པའི་རྒྱལ་པོས་བསྟན་པའི་དོན་མ་ནོར་བར་གསུངས་པ།། ཆོས་རྣམས་རང་བཞིན་དབྱིངས་སུ་གཅིག།
iiif viewer powered by OpenSeadragon
