| e-texts navigator |
| Wylie |
105a1 བྱུང་།། མི་བརྟེན་སྐྱེ་བ་མེད་ལས་བྱུང་།། རང་བཞིན་བཅོས་དང་མ་བཅོས་པ།། བཅོས་པ་འགག་པ་མེད་ལས་ཤར།། མ་བཅོས་སྐྱེ་བ་མེད་ལས་བྱུང་།། ཆོས་ལས་འདས་དང་མི་འདའ་བ།། འདའ་བ
105a2 འགག་པ་མེད་ལས་ཤར།། མི་འདའ་སྐྱེ་བ་མེད་ལས་བྱུང་།། ཆོ་འཕྲུལ་སྟོན་དང་མི་སྟོན་པ།། སྟོན་པ་འགག་པ་མེད་ལས་ཤར།། མི་སྟོན་སྐྱེ་བ་མེད་པའི་ངང་།། མཚོན་པས་ཐོག་ཏུ་ཕེབས་མི་ཕེབས།། ཕེབས་པ
105a3 འགག་པ་མེད་ལས་ཤར།། མི་ཕེབས་སྐྱེ་བ་མེད་པའི་ངང་།། མཚན་མའི་སྤྲོས་དང་བྲལ་མ་བྲལ།། མ་བྲལ་འགག་པ་མེད་ལས་ཤར།། བྲལ་བ་སྐྱེ་བ་མེད་ལས་བྱུང་།། རང་བཞིན་གཅིག་ལ་འཁོར་མི་འཁོར།། འཁོར
105a4 བ་འགག་པ་མེད་ལས་བྱུང་།། མི་འཁོར་སྐྱེ་བ་མེད་པའི་ཀློང་།། ངོ་བོ་གཅིག་ལ་བདེ་སྡུག་གཉིས།། སྡུག་བསྔལ་འགག་པ་མེད་ལས་བྱུང་།། བདེ་ཆེན་སྐྱེ་བ་མེད་པའི་ངང་།། མཚན་ཉིད་གཅིག་ལས་སྣང་སྟོང
105a5 གཉིས།། སྣང་བ་འགག་པ་མེད་ལས་ཤར།། སྟོང་པ་སྐྱེ་མེད་ཡུམ་གྱི་དབྱིངས།། རྒྱུན་མི་ཆད་དང་གནས་སྐབས་གཉིས།། གནས་སྐབས་འགག་མེད་ངེས་པ་མེད།། རྒྱུན་མི་ཆད་པ་སྐྱེ་མེད་དབྱིངས།། འདུ་འབྲལ་མེད
105a6 ལ་རྟག་ཆད་གཉིས།། ཞེན་དུ་མེད་ལ་སྒྲོ་སྐུར་གཉིས།། བླང་དོར་མེད་ལ་དགག་བསྒྲུབ་གཉིས།། བདག་གཞན་མེད་ལ་བཟང་ངན་གཉིས།། ཕྱི་ནང་མེད་ལ་ཡུལ་སེམས་གཉིས།། འཕོ་འགྱུར་མེད་ལ་སྐྱེ་ཤི
iiif viewer powered by OpenSeadragon
