| e-texts navigator |
| Wylie |
104b1 དུས་གཅིག་ཤར།། ཤར་ཡང་སྐྱེ་བ་མེད་པར་གཅིག། ཅེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། སྐྱེ་མེད་ཚིག་ཆོད་དུ་བསྟན་པའི་ལེའུ་སྟེ་སུམ་ཅུ་རྩ་གཅིག་པའོ།། །། དེ་ནས་ཡང་སྟོན
104b2 པས་འདུ་འབྲལ་མེད་པའི་འཁོར་ལ་བཀའ་སྩལ་པ། འདི་ལས་གཞན་དུ་མ་བལྟ་ཞིག། བལྟས་ཤིག་བལྟས་ཤིང་རྟོག་པ་སྐྱེ།། འདི་ལས་གཞན་ལ་མ་བལྟས་ན།། མི་རྟོག་གཞན་དུ་བསྒོམ་མི་དགོས།། འདི་ལས་གཞན
104b3 དུ་མ་སྤྱད་ཅིག། སྤྱད་ཅིང་སྤྱད་ཅིང་ལོག་ལྟ་སྟེ།། འདི་ལས་གཞན་དུ་མི་སྤྱོད་ན།། རྟོག་དཔྱོད་གཞན་དུ་བྱ་མི་དགོས།། འདི་ལས་གཞན་དུ་མ་རྩོལ་ཅིག། རྩོལ་ཞིང་རྩོལ་ཞིང་གཟུང་འཛིན་མཆེད།། འདི་ལས་གཞན་དུ
104b4 མ་རྩོལ་ན།། འཇུག་སྒོ་ཐ་དད་མེད་པའི་ཕྱིར།། ས་དང་ལམ་ལ་སྦྱང་མི་དགོས།། འདི་ལས་གཞན་དུ་མ་བསྒྲུབས་ཤིག། བསྒྲུབས་ཤིང་བསྒྲུབས་ཤིང་མཐར་ཐུག་མེད།། འདི་ལས་གཞན་དུ་མི་བསྒྲུབ་ན།། སངས་རྒྱས
104b5 གོ་འཕང་ཐོབ་མི་དགོས།། མི་ཞེས་བྱ་བ་སངས་རྒྱས་ཡིན།། དབྱེར་མེད་དོན་དུ་མ་ཤེས་ན།། བསྐལ་པར་བསྒྲུབས་ཀྱང་འགྲུབ་མི་འགྱུར།། དབྱེར་མེད་དོན་ལ་གནས་པ་ན།། སྲིད་པར་འཁྱམས་ཀྱང་སྟོར་བྲལ
104b6 མེད།། སྐྱེ་མེད་འགག་མེད་སྣ་ཚོགས་སྟོན།། ཡུལ་ལ་སྤྱོད་དང་མི་སྤྱོད་པ།། སྤྱོད་པ་འགག་པ་མེད་ལས་བྱུང་།། མི་སྤྱོད་སྐྱེ་བ་མེད་ལས་བྱུང་།། གནས་ལ་བརྟེན་དང་མི་བརྟེན་པ།། འགག་པ་མེད་པ་ཉིད་ལས
iiif viewer powered by OpenSeadragon
