| e-texts navigator |
| Wylie |
104a1 སྣང་བར་ཟད།། དོན་མི་ལྡན་ལ་འཁྲུལ་པ་ཡི།། ཕྱིན་ཅི་ལོག་དང་བྱང་ཆུབ་ཀྱང་།། ཅི་ནས་མཉམ་པའི་ཆོས་ཉིད་པས།། ཆོས་ཉིད་དོན་ལ་གཉིས་སུ་མེད།། སྐྱེ་བ་མེད་པའི་ཆོས་ཉིད་དེ།། འབྱུང་ལྔ་སྣོད
104a2 བཅུད་སྐྱེ་བའི་སྒོ།། འབྱུང་ལྔ་སྣོད་བཅུད་ཤར་ཙམ་ན།། སྐྱེ་མེད་རང་ཡིན་གཞན་མ་སྐྱེས།། སྐྱེས་ཙམ་ཉིད་ན་སྐྱེ་བ་མེད།། མ་སྐྱེས་པ་ཡི་ཆོས་ཉིད་དེ།། ཕོ་མོ་མ་ནིང་སྐྱེ་བའི་རྒྱུ།། ཕོ་མོ་མ་ནིང་ལུས་བླངས་ཀྱང་།། སྐྱེ
104a3 མེད་རང་ཡིན་གཞན་མ་སྐྱེས།། སྐྱེས་ཙམ་ཉིད་ན་སྐྱེ་བ་མེད།། མ་སྐྱེས་པ་ཡི་ཆོས་ཉིད་དེ།། དུག་ལྔ་དུག་གསུམ་སྐྱེ་བའི་རྒྱུ།། ཉོན་མོངས་ལྔ་རུ་ཤར་ཙམ་ན།། སྐྱེ་མེད་རང་ཡིན་གཞན་མ་སྐྱེས།། སྐྱེས་ཙམ་ཉིད་ན་སྐྱེ་བ
104a4 མེད།། མ་སྐྱེས་པ་ཡི་ཆོས་ཉིད་དེ།། རང་བྱུང་ཡེ་ཤེས་སྐྱེ་བའི་རྒྱུ།། ཕྱོགས་མེད་རིག་པར་ཤར་ཙམ་ན།། སྐྱེ་མེད་རང་ཡིན་གཞན་མ་སྐྱེས།། སྐྱེས་ཙམ་ཉིད་ན་སྐྱེ་བ་མེད།། མ་སྐྱེས་རང་བྱུང་ཡེ་ཤེས་ཏེ།། རྒྱུ་རྐྱེན་ཀུན
104a5 དང་བྲལ་བའི་ཕྱིར།། ཡེ་ནས་གནས་པའི་ཆོས་ཉིད་ཡིན།། ཡོད་མེད་ཀུན་གྱི་དངོས་གཞིར་ཤར།། མཚན་མའི་གོ་ནི་ནམ་མཁས་འབྱེད།། ཆོས་ཅན་གོ་ནི་ཆོས་ཉིད་འབྱེད།། སྣང་བའི་གོ་ནི་སྟོང་པས་འབྱེད།། འཁོར
104a6 འདས་གོ་ནི་རིག་པས་འབྱེད།། སྐྱེ་བའི་སྒོ་རུ་གྱུར་པ་ཀུན།། སྐྱེ་མེད་དབྱིངས་ཀྱིས་འབྱེད་པས་ན།། གོ་འབྱེད་ཆོས་དབྱིངས་ནམ་མཁའ་འདིས།། འཁོར་འདས་ཀུན་གྱི་མཐོང་བརྟོལ་བས།། ཐམས་ཅད་ཐམས་ཅད
iiif viewer powered by OpenSeadragon
