| e-texts navigator |
| Wylie |
103b1 གྱི་སྨོན་ལམ་དག་པ་ཡིན།། བྱང་ཆུབ་སེམས་དཔར་སྐྱེས་པ་ཡང་།། སྐྱེས་ཙམ་ཉིད་ན་མ་སྐྱེས་ཏེ།། སྐྱེ་མེད་རང་ཡིན་གཞན་མ་སྐྱེས།། སྐྱེ་མེད་ངེས་པའི་གསང་སྒོ་ནས།། ཏིང་འཛིན་བརྟན་པའི་ནུས་མཐུ
103b2 དང་།། བཟླས་བརྗོད་གྲངས་ཀྱི་མཐར་སྒྲོལ་བས།། རིག་འཛིན་ས་རུ་སྐྱེས་པ་ཡང་།། སྐྱེ་མེད་རང་ཡིན་གཞན་མ་སྐྱེས།། སྐྱེས་ཙམ་ཉིད་ན་སྐྱེ་བ་མེད།། སྐྱེ་མེད་ངེས་པའི་གསང་སྒོ་ནས།། སྨོན་ལམ་སྟོབས་དང་ཏིང
103b3 འཛིན་སྟོབས།། ལྷག་མཐོང་ཟུང་དུ་འབྲེལ་པ་ཡིས།། ཞིང་ཁམས་མཐའ་ཡས་རྒྱ་ཆེ་རུ།། རྒྱལ་པའི་སྲས་སུ་སྐྱེས་པ་ཡང་།། སྐྱེ་མེད་རང་ཡིན་གཞན་མ་སྐྱེས།། སྐྱེས་ཙམ་ཉིད་ན་སྐྱེ་བ་མེད།། སྐྱེ་བ་མེད་པའི་གསང་སྒོ།
103b4 ནས།། སྦྱངས་པའི་འཕྲོ་མཐུད་གྲུབ་པའི་མཐར།། ལམ་ལ་རྩོལ་བར་སྐྱེས་པ་ཡང་།། སྐྱེ་མེད་རང་ཡིན་གཞན་མ་སྐྱེས།། སྐྱེས་ཙམ་ཉིད་ན་སྐྱེ་བ་མེད།། འགྲོ་དྲུག་འཁོར་བས་སྐྱེད་པ་དང་།། དག་པའི་ཞིང་ལ་སྤྱོད་པ
103b5 དང་།། འཁོར་འདས་ལམ་པའི་ཆོས་རྣམས་ཀུན།། སྐྱེ་མེད་རང་གིས་རང་བསྐྱེད་པས།། སྐྱེ་མེད་ཆོས་ཏེ་སྣ་ཚོགས་སྟོན།། སྐྱེ་བ་མེད་ལས་ཐམས་ཅད་སྐྱེས།། ཚིག་ཏུ་བརྗོད་པས་དོན་དང་འགལ།། སྐྱེ་མེད་དོན་ལ
103b6 འགལ་བ་མེད།། ཐ་སྙད་ཚིག་ལ་འགལ་བ་ཡོད།། བྱང་ཆུབ་སེམས་ལ་འགལ་བ་མེད།། ལོག་པའི་སེམས་ལ་འགལ་བ་ཡོད།། མ་བཅོས་ཚིག་ཏུ་གསུངས་པ་དང་།། མ་ནོར་དོན་དུ་གསུངས་པ་ཡང་།། སྐལ་བ་ཅན་ལ
iiif viewer powered by OpenSeadragon
