| e-texts navigator |
| Wylie |
103a1 ས་མི་ཚོལ་བས།། ཡུལ་སེམས་རིས་མེད་བསམ་གཏན་ཡིན།། བཏང་སྙོམས་རེས་འཇོག་མེད་པའི་ཕྱིར།། འཕེལ་འགྲིབ་མེད་པའི་བསམ་གཏན་ཡིན།། ཐུན་མཚམས་ཀུན་ལས་འདས་པའི་ཕྱིར།། རྒྱུན
103a2 མི་ཆད་པའི་བསམ་གཏན་ཡིན།། ཉོན་མོངས་ཟད་སར་ཟད་པས་ན།། མཐར་ཐུག་དོན་གྱི་བསམ་གཏན་ཡིན།། བདེ་ཆེན་ཀློང་དུ་ཐིམ་པས་ན།། འཕོ་འགྱུར་མེད་པའི་བསམ་གཏན་ཡིན།། ཞེས་གསུངས་སོ།། ཀློང
103a3 ཆེན་རབ་འབྱམས་རྒྱལ་པོའི་རྒྱུད་ལས། བསམ་གཏན་བསྟན་པའི་ལེའུ་སྟེ་སུམ་ཅུ་པའོ།། །། དེ་ནས་ཡང་སྟོན་པ་ཉིད་ཀྱིས་འཁོར་རྣམས་ལ་བཀའ་སྩལ་པ། རང་བཞིན་མེད་པའི་ཆོས་ཆེན་པོ།། རྨད་བྱུང
103a4 བསམ་ཡས་འདི་ལྟ་སྟེ།། སྐྱེ་བ་མེད་པའི་སྐྱེ་སྒོ་ནས།། སྐྱེ་བའི་ཆོ་འཕྲུལ་འབྱུང་བ་ནི།། སྐྱེ་བ་མེད་ལས་སྐྱེས་པ་ཡི།། ཆོ་འཕྲུལ་རང་ལས་འབྱུང་བ་དེ།། སྐྱེ་མེད་རང་ཡིན་གཞན་ན་མེད།། སྐྱེ་བ་མེད་པའི་སྐྱེ་སྒོ
103a5 ནས།། རྫུ་འཕྲུལ་རང་ལས་སྐྱེས་པ་ཡིན།། སྐྱེ་བའི་ཆོ་འཕྲུལ་བྱུང་བ་སྟེ།། སྐྱེ་མེད་རང་ཡིན་གཞན་ནི་མེད།། སྐྱེ་བ་མེད་པའི་གསང་སྒོ་ནས།། སྐྱེ་མེད་སྐྱེ་གནས་བཞིར་སྐྱེས་པས།། སྐྱེས་ཙམ་ཉིད་ན་སྐྱེ་བ་མེད།། སྐྱེ
103a6 མེད་རང་ཡིན་གཞན་མ་སྐྱེས།། རྐྱེན་འགྱུར་ལས་ཀྱི་རྣམ་སྨིན་གྱིས། ཁམས་གསུམ་འཁོར་བར་སྐྱེས་པ་ཡང་།། སྐྱེས་ཙམ་ཉིད་ན་སྐྱེ་བ་མེད།། སྐྱེ་མེད་རང་ཡིན་གཞན་མ་སྐྱེས།། སྐྱེ་བ་མེད་པའི་གསང་སྒོ་ནས།། སྔོན
iiif viewer powered by OpenSeadragon
