| e-texts navigator |
| Wylie |
102a1 ཤར་བ་ལ།། བདག་གིས་བྱས་པའི་ཆོས་ཞེས་བྱ།། ཐམས་ཅད་བདག་ཏུ་འདུས་པ་ལ།། བདག་ཉིད་བྱང་ཆུབ་སེམས་ཞེས་བྱ།། གཉིས་འཛིན་བྱ་དང་བྱེད་པ་མེད།། ཐམས་ཅད་རང་གི་ཆོ་འཕྲུལ
102a2 པས།། རང་བྱུང་ཡེ་ཤེས་རྒྱུན་ཆད་མེད།། ཅེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས།། རྒྱུན་ཆད་མེད་པའི་ལེའུ་སྟེ་ཉི་ཤུ་རྩ་དགུ་པའོ།། །། དེ་ནས་ཡང་སྟོན་པས་སླར་གསུངས་པ། ནམ
102a3 མཁའ་ལྟ་བུའི་རང་བཞིན་ལས།། འཇའ་ཚོན་སྤྲིན་ཚོགས་གློ་བུར་བ།། རྒྱུ་རྐྱེན་མེད་པས་ནམ་མཁའ་རང་།། ཆོས་ཉིད་བྱ་བྲལ་ནམ་མཁའ་ལ།། རོལ་པ་འཁོར་འདས་གློ་བུར་བ།། རྒྱུ་རྐྱེན་མེད་པས་ཆོས
102a4 ཉིད་དང་།། རང་ལས་རང་བཞེངས་ཀོག་ལངས་ཏེ།། རང་ལས་རང་བྱུང་ཐོག་བབས་པས།། ཇི་ལྟར་ཤར་ཡང་ཤེས་བྱའི་བབས།། དེ་ལས་གང་ཡང་མེད་པའི་ཕྱིར།། ཡོད་མཐོང་སྣང་གྲག་ཆོས་རྣམས་ཀུན།། ཆོས་ཉིད
102a5 ཀློསློང་གི་ཆོ་འཕྲུལ་ཏེ།། རང་ལ་རང་གིས་རོལ་པ་དང་།། རང་ལ་རང་གིས་སྤྱོད་པ་དང་།། རང་ལ་རང་གིས་བདེ་བ་དང་།། རང་ལ་རང་གིས་སྡུག་བསྔལ་ཏེ།། མཉམ་པར་རོལ་པས་བཟང་ངན་མེད།། ཡོད་མེད་མཉམ
102a6 པར་ཤར་བ་ལ།། ཕྱོགས་སུ་འཛིན་པ་དོན་ལས་འཁྲུལ།། མཉམ་པའི་ཀློང་དུ་ཅི་བདེར་གནས།། རྩོལ་བ་མེད་པར་ཀློང་དུ་དབབ།། འཇུག་ལྡོག་མེད་དེ་རང་སར་བཞག། འགྲོ་འོད་མེད་དེ་དབྱིངས་སུ་དག། བྱ་བྱེད
iiif viewer powered by OpenSeadragon
