| e-texts navigator |
| Wylie |
101b1 སེམས་གཅིག་ལ་གཅིག་སྣང་ཡང་།། རང་ལ་སྣང་ངོ་གཞན་མེད་པས།། གཞན་དུ་གསལ་བ་མ་ཡིན་ཏེ།། ཆོས་སྐུ་རང་སྣང་ཀློང་དུ་གསལ།། མེད་ཅེས་བརྟགས་པའི་ཐ་སྙད་ཀྱང་།། དོན་ལ་མེད་པ་མ་ཡིན་ཏེ།། སྣང
101b2 གྲག་ཆོས་ཀུན་རང་ལ་འཆར།། འཁོར་འདས་ལམ་པས་བསྡུས་པའི་ཆོས།། རང་ལས་ཤར་ཞིང་རང་ལ་འདུས།། རང་སར་གྲོལ་བས་དངོས་གཞི་མེད།། ཐ་སྙད་མེད་པས་བདག་གཞན་བྲལ།། ཡུལ་སེམས་མེད་པས
101b3 མཉམ་པའི་ཀློང་།། སངས་རྒྱས་བདག་ཡིན་གཞན་མེད་པས།། ཀུན་ཀྱང་བདག་ཉིད་ཆོས་སྐུར་འདུས།། བདག་གཞན་བྲལ་བའི་ཐིག་ལེར་གཅིག། སངས་རྒྱས་སངས་རྒྱས་ཞེས་བྱ་བ།། གློ་བུར་མིང་དུ་བཏགས་པ
101b4 ཙམ།། གློ་བུར་ཆོས་ལ་བློ་མེད་པས།། སངས་རྒྱས་ཡིད་ལ་མ་འདོགས་ཤིག། བཏགས་པ་ཐམས་ཅད་རྟོག་པ་སྟེ།། རྣམ་རྟོག་ཆོས་ཉིད་ཡིན་པས་ན།། ཉི་མའི་དཀྱིལ་ན་མུན་མེད་བཞིན།། ཡེ་ཤེས་ཀློང་ན་མ་རིག
101b5 མེད།། ཆོས་སྐུའི་ཀློང་ན་རྣམ་རྟོག་མེད།། རྟོག་དང་མི་རྟོག་གཉིས་མེད་དེ།། མཉམ་པའི་ངང་ལས་མ་གཡོས་པས།། མ་རིག་ཡེ་ཤེས་གཉིས་སུ་མེད།། བདག་གིས་བྱས་པའི་ཆོས་རྣམས་ཀྱང་།། བྱེད་མཁན་ལོགས་ན།
101b6 མེད་པའི་ཕྱིར།། བྱ་བྱེད་མེད་པར་རང་ཤར་བས།། རང་གིས་རང་བྱས་རང་བྱུང་བས།། རྒྱུ་རྐྱེན་མེད་ཅིང་བཏགས་པ་ཡིན།། རྒྱུ་རྐྱེན་མེད་པའི་ཆོས་ཉིད་ལ།། བདག་ཉིད་བྱང་ཆུབ་སེམས་ཞེས་བྱ།། དེ་ཡི་རོལ་པར
iiif viewer powered by OpenSeadragon
