| e-texts navigator |
| Wylie |
101a1 མེད།། ཅི་སྟེ་རང་ལས་གཞན་མེད་པས།། རང་གིས་རང་ལ་བཏགས་པ་ཙམ།། གདགས་གཞི་མེད་པས་སངས་རྒྱས་མེད།། གདགས་བྱའི་མིང་ལ་དོན་མི་གནས།། དེས་ན་ཐམས་ཅད་རང་ཡིན
101a2 པས།། རང་ལ་རང་གིས་ཆེར་ཏེ་ལྟོས།། བལྟས་པས་མ་མཐོང་ངོ་མཚར་ཆེ།། མཐོང་བ་མེད་པའི་མཐོང་བ་ནི།། ཆོས་སྐུ་སྐྱེ་མེད་དོན་མཐོང་ཡིན།། རིག་པ་མེད་པའི་རིག་པ་ནི།། གཉིས་སུ་མེད་པའི་དོན་རིག
101a3 ཡིན།། ཤར་བ་མེད་པའི་ཤར་བ་ནི།། རང་བྱུང་ཡེ་ཤེས་དོན་ཤར་ཡིན།། རང་རིག་ཀློང་ན་མ་རིག་མེད།། མ་རིག་ཡེ་ཤེས་གཉིས་མེད་པས།། ཟང་ཐལ་ཆེན་པོ་ལྟ་བའི་ཀློང་།། ཡེ་ཤེས་མི་ཤེས་གཉིས་མེད་དེ།། མི
101a4 ཤེས་པ་དེ་ཡེ་ཤེས་ཆེ།། ཡེ་ནས་ཡིན་པས་གཉིས་མེད་ཀློང་།། མཉམ་པར་ཤར་བས་རྩིས་གདབ་མེད།། གང་ཡང་འདྲ་བའི་ཆོས་ཉིད་ལ།། ཕྱི་ནང་མེད་པར་བདེ་གདལ་བས།། ཅི་སྤང་གང་བསྒྲུབ་སུ་ལ
101a5 ཆགས།། གནས་པར་བྱ་བའི་གཞི་མེད་ཕྱིར།། ལྟུང་བའི་གཡང་ས་ག་ལ་ཡོད།། གཡང་ས་མཐོང་བའི་ཆོས་ཉིད་དུ།། ཡེ་ནས་གནས་པས་དམའ་བ་མེད།། གོང་འོག་མེད་པས་མཐོ་དམན་མེད།། མཐོན་དམན་མེད
101a6 པས་ཕྱོགས་མཚམས་མེད།། ཉེ་རིང་མེད་པས་གཅིག་ཏུ་འདུས།། ཡོངས་ལ་ཁྱབ་པས་ཀུན་ཏུ་གདལ།། གཞི་དེ་ཡེ་ནས་དེ་ལྟར་གནས།། ངོ་བོ་ཡེ་ནས་མ་སྐྱེས་པས།། དོན་ལ་དམིགས་པའི་མཐའ་དང་བྲལ།། ཡུལ
iiif viewer powered by OpenSeadragon
