| e-texts navigator |
| Wylie |
100b1 གད་ལ།། ཉག་གཅིག་དབྱིངས་ན་ཀུན་གསལ་བས།། མཐོང་དང་ཐོས་དང་དྲན་པ་དང་།། དབང་པོའི་ངོ་ལ་གང་སྣང་བ།། ཡུལ་མེད་གཅིག་ལས་རང་སྣང་བས།། དོན་གྱི་ངོ་བོ་བྱ་བྲལ་ལ།། སྣང་བ་མེད་ཅིང་འགྲིབ་པ
100b2 མེད།། གསལ་བ་སེམས་ཀྱི་མེ་ལོང་ལ།། སྣང་བའི་གཟུགས་དང་འཛིན་པའི་སེམས།། གཟུགས་བརྙན་དག་དང་སྒྱུ་མ་བཞིན།། མེད་ལས་ཡོད་མཐོང་ཐ་དད་ཤར།། ཡུལ་དང་འབྱུང་དུས་སྐྱེ་མཆེད་ཆོས།། ཁམས
100b3 གསུམ་སྣང་བ་ཕྲ་རགས་ཀྱང་།། བདག་ལས་བྱུང་སྟེ་རང་གི་ཀློང་།། ཉིད་ལས་ཤར་བས་ཉིད་ཀྱི་རྒྱན།། ཡོད་མཐོང་གྲགས་པའི་ཆོས་རྣམས་དང་།། མེད་སྣང་བརྟགས་པའི་ཆོས་རྣམས་ཀུན།། རང་ལས་ཐ་དད་མེད
100b4 པས་ན།། གཉིས་སུ་མེད་པར་ཡེ་ནས་གསལ།། རྟོག་པ་མེད་དེ་རང་སར་གྲོལ།། གཅིག་ལ་གཅིག་ལྟོས་མེད་པའི་ཕྱིར།། མཐའ་ཡི་གོལ་ས་གཏན་མེད་དེ།། མཐའ་རྣམས་མ་སྤངས་རང་གྲོལ་བས།། གང་ཡང་མ
100b5 བཀག་རྫོགས་པ་ཆེ།། ཡངས་སོ་ཆེའོ་སེམས་ཀྱི་ཀློང་།། འདུ་འབྲལ་མེད་དོ་དབྱིངས་ཀྱི་རྒྱན།། འདི་གཞན་ཡུལ་ལ་མ་གཡོས་པས།། གཞན་དུ་གནས་པའི་ས་མེད་སྟེ།། རྟེན་མེད་གཅིག་ལས་ཀུན་འབྱུང་བས།། རྨད
100b6 བྱུང་བསམ་ཡས་ངོ་མཚར་ཆེ།། རང་བྱུང་རང་ཤར་ངོ་མཚར་ཆེ།། གཞན་དུ་ལྟོས་པ་གང་ཡང་མེད།། སངས་རྒྱས་ཞེས་སུ་བཏགས་པ་ཡང་།། གདུལ་བྱའི་བློ་ལ་གྲགས་པ་ལས།། ཡང་དག་དོན་ལ་སངས་རྒྱས
iiif viewer powered by OpenSeadragon
