| e-texts navigator |
| Wylie |
100a1 མོངས་རྣམ་པར་དག། མཐོང་བའི་འབྲས་བུ་རྣམ་པར་དག། རྩོལ་བའི་རྐྱེན་ཡང་རྣམ་པར་དག། སྐྱེད་པའི་རྒྱུ་ཡང་རྣམ་པར་དག། རྣམ་དག་ཆེན་པོ་ཆོས་ཀྱི་དབྱིངས།། དག་པར་བྱེད་པ་ཆོས་ཀྱི
100a2 དབྱིངས།། སྤྲོ་བར་བྱེད་པ་ཆོས་ཀྱི་དབྱིངས།། སྡུད་པར་བྱེད་པ་ཆོས་ཀྱི་དབྱིངས།། སྤྲོ་བསྡུ་མེད་པ་ཆོས་ཀྱི་དབྱིངས།། དབྱིངས་ལས་ཐབས་བཞེངས་རྒྱལ་བའི་སྐུ།། མི་བརྗེད་གཟུངས་ལས་གྲུབ་པ་ཡིན།། ཡེངས་དང
100a3 དྲན་པ་མེད་པས་ནི།། བཏང་སྙོམས་ཆེན་པོ་ཡུམ་གྱི་མཁའ།། ཀུན་ཏུ་བཟང་མོ་ཉིད་ཀྱི་ཀློང་།། ཁམས་གསུམ་སེམས་ཅན་ཐམས་ཅད་ཀྱི།། མར་བཏགས་ཀུན་ཏུ་བཟང་མོ་སྟེ།། བསྐྱེད་ཀྱང་བསྐྱེད་ལ་གསོ་ཡང
100a4 གསོ།། ཕར་བཏགས་ཀུན་ཏུ་བཟང་པོ་སྟེ།། བསྐྱེད་ཀྱང་བསྐྱེད་ལ་རྟེན་ཀྱང་རྟེན།། ཀུན་བཟང་ཀློང་ལ་གཞི་རྟེན་མེད།། སྐྱེ་མེད་དབྱིངས་ལ་སྐྱེ་འབྲི་མེད།། སྐྱེ་འགག་མེད་ལ་གསོ་བསད་བྲལ།། མེད་ལས་ཅིར་ཡང
100a5 སྣང་བ་དེ།། སེམས་ཉིད་ཀློང་ཆེན་རང་གི་རྒྱན།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས།། དབྱིངས་སུ་འདུས་ལུགས་བསྟན་པའི་ལེའུ་སྟེ་ཉི་ཤུ་རྩ་བརྒྱད་པའོ།། །། དེ་ནས་ཡང་བཅོམ
100a6 ལྡན་འདས་ཀྱིས་རྡོ་རྗེ་འཛིན་པ་ལ་སོགས་པ་རྣམས་ལ་ཡང་དག་པའི་དོན་བཀའ་སྩལ་པ། མ་བཅོས་སེམས་ཀྱི་ཀློང་དཀྱིལ་ནས།། མ་བཙལ་རང་བྱུང་ཡེ་ཤེས་ཤར།། སྟེང་འོག་ཕྱོགས་མཚམས་ཡོངས་ལ
iiif viewer powered by OpenSeadragon
