| e-texts navigator |
| Wylie |
8b1 མཐོང་བར་འགྱུར།། ཨེ་མ་སངས་རྒྱས་དོན་ལྡན་པ།། ཡེ་ཤེས་རང་ལ་འཆར་བར་འགྱུར།། གཞི་ཡི་ཆོས་ཉིད་རྫོགས་གྱུར་ནས།། ལམ་ལས་འབྲས་བུ་ཐོབ་པར་འགྱུར།། དེ་ཡང་ཡེ་ཤེས་ལྷུན་གནས་པས།། ངེས་པའི
8b2 བདེན་པ་རབ་ཏུ་མཐོང་།། ཤེས་པའི་ཁྱད་ཀྱིས་གང་ནས་གསལ།། དོན་ནི་གཅིག་ལས་མ་གཡོས་ཀྱང་།། རང་སྣང་དཀྱིལ་འཁོར་ལྷུན་གྱིས་གྲུབ།། ཡེ་ནས་རང་རིག་འོད་གསལ་བས།། རང་སྣང་འཇའ་ཚོན་རྣམ་པར
8b3 འཕེལ།། སྣང་བ་ཡེ་ཤེས་སྐུར་ལྡན་པས།། ཤེས་རབ་ཡེ་ཤེས་ཁོང་ནས་གསལ།། དེ་ནས་སྣང་དང་གསལ་བ་དང་།། རང་བཞིན་ཀུན་ཏུ་ཁྱབ་པའོ།། གསང་བའི་ཡེ་ཤེས་སྣང་བྱུང་པས།། འཁོར་བའི་མུན་པ་རྣམ་པར
8b4 གསལ།། ཚིག་ལས་ཤེས་རབ་རབ་གསལ་བས།། འབྲས་བུའི་དཀྱིལ་འཁོར་ཉག་གཅིག་གསལ།། ཐེག་པ་གཅིག་ལ་དོན་བརྗོད་པས།། སོ་སོའི་བཤད་གཞུང་བསམ་མི་ཁྱབ།། སེམས་ཅན་མོས་པ་གོ་འབྱེད
8b5 ཕྱིར།། རང་རང་འདོད་དུ་བསྟན་པའོ།། དེ་ཡང་ཐེག་ཆེན་གསང་བ་ལས།། ཡང་དག་ངེས་པའི་ལུང་བསྟན་པས།། ཨ་ནུས་མན་ཆད་ཐེག་པ་རྣམས།། རྩོལ་སེམས་བློ་ཡི་ཆོས་སུ་བསྟན།། རང་གི་དོན་ལ་མཐའ་ཡས
8b6 ཀྱང་།། གཞི་ལ་གཅིག་པས་མེད་པར་ངེས།། ཐེག་པ་ཐེག་པ་ཞེས་བྱ་བ།། གུད་ན་ཡོད་པ་མ་ཡིན་ཏེ།། རིག་པ་སྟོབས་དང་ལྡན་གྱུར་ན།། ཐེག་པ་ཞེས་ནི་དེ་ལ་བྱ།། རིག་པ་སྟོབས་དང་མི་ལྡན་ན།། སྣ་ཚོགས་ཐེག་པ
iiif viewer powered by OpenSeadragon
