| e-texts navigator |
| Wylie |
8a1 རྟོག་འཁོར་བའི་ཆུ་རྒྱུན་བཅད།། འཁོར་བའི་དྲི་མ་རབ་བསལ་ནས།། ཡེ་ཤེས་དོན་ལ་ཐེ་ཚོམ་མེད།། ཐར་མ་རྒྱ་ལས་རྣམ་པར་གྲོལ།། འཛིན་པའི་ཕུར་པ་རང་ཕྱུང་བས།། འཁོར་བའི་རྟོད་ཟག་ཆེན་པོ
8a2 བཅད།། རང་རིག་གསལ་བའི་མཐོངས་ཕྱེ་ནས།། གཏི་མུག་འཁོར་བའི་མུན་པ་སངས།། སྣང་བ་ཟུག་ཕྲད་དོན་དགོངས་ཀྱིས།། ཐད་ཀའི་ཤེས་པ་དོན་ལྡན་འགྱུར།། ཐིག་ལེ་སྤྱི་ཆིངས་རང་གནད་ཀྱིས།། སྣང་བ་སྐྱེ
8a3 འགག་ཕྱོགས་དང་བྲལ།། ཡུལ་སེམས་གཉིས་མེད་ཏིང་འཛིན་གྱིས།། དྲི་མ་གཉིས་ཀྱི་མཐའ་ལས་གྲོལ།། ཐམས་ཅད་རང་གསལ་ཆོས་ཉིད་ཀྱིས།། ཉོན་མོངས་འཆིང་བའི་མདུད་པ་བཀྲོལ།། གཞི་རྫོགས་ཆོས་ཉིད
8a4 དཀྱིལ་འཁོར་གྱིས།། སྒོ་ལྔའི་ཡུལ་ལས་རྣམ་པར་ཐར།། ཐ་དད་ཐུན་མོང་མ་ཡིན་པས།། ཤེས་བྱའི་ཡུལ་ལ་རྣམ་པར་འབྱེད།། དཀྱིལ་འཁོར་ཡེ་ཤེས་རྣམ་ལྔ་ཡིས།། ཡང་དག་དོན་ལ་རྣམ་པར་རོལ།། སྐྱེ་ཤི་མེད་པའི
8a5 ཆོས་སྐུ་ཡིས།། རྟོག་འཛིན་ཡུལ་གྱི་དྲི་མ་སངས།། གསང་བ་རྒྱུན་གྱི་ཐུགས་རྗེ་ཡིས།། གཅོང་རོང་མུན་པའི་གཏིང་ནས་འདྲེན།། ཤེས་རབ་ཡུལ་གྱི་ཕྱག་རྒྱ་ཡིས།། འཛིན་རྟོག་གཉིས་ཀྱི་མཐའ་དང་བྲལ།། ཡངས་པའི
8a6 ཆོས་ཉིད་གསལ་མཐོང་བས།། འཁོར་བའི་ཞེ་འདོད་ཐབས་ཀྱིས་སྤངས།། རང་རིག་ཐབས་ཀྱི་གླུ་ཆེན་འདིས།། ཡེ་ཤེས་གསལ་བའི་ཉམས་ལྡན་འགྱུར།། སྣང་སྲིད་ཡེ་རྒྱ་མཐར་ཐུག་གིས།། རིག་པའི་རང་གདངས
iiif viewer powered by OpenSeadragon
