| e-texts navigator |
| Wylie |
7b1 པའི་ལུང་འདི་བཀའ་སྩལ་པ།། སེམས་ཅན་ཐར་པའི་ལམ་ལ་ཉེ།། ཡེ་ཤེས་དཀྱིལ་འཁོར་རབ་བསྟན་པས།། མི་མཐོང་བསལ་བའི་སྒྲོན་མར་འགྱུར།། སྣང་མཛད་སེམས་ཀྱི་གཟུང་འཛིན་ལས།། ཐེ་ཚོམ་བློ་ཡི་སྤྱོད
7b2 ཡུལ་འཆར།། རྣམ་རྟོག་རབ་ཏུ་སྤང་བྱའི་ཕྱིར།། ངེས་པའི་ལུང་འདི་རབ་བཤད་པས།། ཐེག་པ་དམའ་བའི་གང་ཟག་རྣམས།། ཤིན་ཏུ་བྲེད་ཅིང་དངངས་པར་འགྱུར།། རྣམ་རྟོག་བློ་ཡི་དྲི་མ་རྣམས།། རབ་ཏུ་དག་པས
7b3 གསལ་ཕྱིར་འགྱུར།། ཡོངས་སུ་རྫོགས་པའི་ལམ་རྒྱལ་འགྲུབ།། འདི་ཉིད་འདོད་རྒྱལ་མ་ཡིན་ཏེ།། གསང་སྔགས་ཆེན་པོའི་དགོངས་པ་ཉིད།། རང་གི་དོན་ལ་ཆེ་བར་བཤད།། གཞི་རྫོགས་ལམ་གསལ་འབྲས་བུ་སྣང
7b4 བར་འགྱུར།། ཐེག་པའི་མཐོ་དམན་ཐམས་ཅད་ཀྱང་།། རང་རང་དོན་ལ་མི་མཐུན་པས།། གསང་བའི་དོན་ནི་རྟོགས་མི་འགྱུར།། དེ་ཡང་ངོ་བོ་མཚན་ཉིད་དང་།། རང་བཞིན་ཀུན་ཁྱབ་ངེས་ཚིག་གོ།། ཐུགས་རྗེ་ཀུན
7b5 འབྱུང་ཉི་ཟེར་ལ།། གསང་སྔགས་ཐབས་ཀྱི་ལམ་ཉིད་ལས།། ཐབས་ཀྱི་ཞགས་པ་ལྔ་ཤར་བས།། འཛིན་བྱེད་དབྱིངས་དང་རིག་པ་འཛིན།། ཐོགས་མེད་རྣམ་གྲོལ་རླུང་ཆེན་གྱིས།། རང་སྣང་དག་པའི་ནམ་མཁའ
7b6 ལ།། མ་བསྐྱོད་བཞིན་དུ་དེ་བཞིན་གཤེགས།། རྣམ་དག་དབྱིངས་ཀྱི་ཕོ་བྲང་ན།། ཡེ་ཤེས་རྟོགས་པའི་མེ་ལྔ་ཡིས།། མཚན་མ་རྟོག་འཛིན་སྤར་སྦུར་བསྲེགས།། ཉོན་མོངས་བཞི་ཞིང་བཅུ། བཅུ་ཐལ་བར་བརླག། རྣམ
iiif viewer powered by OpenSeadragon
